Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 52 Hüküm no: 14 Orijinal metin no: [5a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Efendi b. Abdullah’ın küçük kızı Hatice’ye vasî tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Çavuş Kasım mahallesinde sâkin iken bundan akdem vefât eden Hasan Efendi b. Abdullah’ın sulbiye sagīre kızı Hadice’nin tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûfe ve diyânet ile mevsûfe, her vechile vesâyet uhdesinden gelmeğe kādire idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīre-i mezbûrenin vâlidesi işbu râfi‘atü’l-kitâb Emine Hatun bt. Mustafa’yı hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīre-i mezbûrenin tesviye-i umûruna vasî nasb ve ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâdis min-Cumâdelâhire sene 1147. Şuhûdü’l-hâl: Halil Efendi b. Derviş Ali, Ali Efendi b. Seyfullah, Abdullah Ağa b. Ahmed, el-Hâc Ali b. İbrahim, Salih Çelebi b. Süleyman.