Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 62 Hüküm no: 25 Orijinal metin no: [8b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terkos nahiyesinin Istranca köyü ahalisinden Hüseyin Beşe b. Abdullah’ın terekesi Havâss-ı Refî‘a kazâsı muzâfâtından Terkos nâhiyesine tâbi‘ Istranca nâm karyede sâkin iken bundan akdem vefât eden Hüseyin Beşe b. Abdullah nâm müteveffânın verâseti zevce-i metrûkesi Ümmügülsüm bt. Ali nâm hatun ile sulbî sagīr oğlu Ali ve sulbiye sagīre kızları Fâtıma ve Emine’ye münhasıra olduğu lede’ş-şer‘i’l-enver zâhir ve mütehakkık oldukdan sonra sagīrûn-ı mezbûrûnu[n] tesviye-i emirlerine kıbel-i şer‘den mansûb vasîleri ve vâlidelerinin pederleri Ali Beşe b. ( ) ve mezbûre Ümmügülsüm iltimâslarıyla tahrîr ve taksîm olunan muhallefât defteridir ki ber-vech-i âtî zikrolunur. Fi’l-yevmi’l-hâmis-aşer min-Cemâziyelâhire li-seneti seb‘a ve erba‘în ve miete ve elf. Karye-i mezkûrede vâki‘ ma‘lûmü’l-hudûd sülüs hisse-i menzil 20.000 akçe Piştov çift 1.400 akçe Kılıç 1 [aded] 500 akçe Çuka nimten 1 [aded] 130 akçe Beyaz anteri 1 [aded] 15 akçe Aba şalvar 1 [aded] 60 akçe Harîr şal 1 [aded] 1.100 akçe Yorgan 1 [aded] 130 akçe Beylik çuka 1 [aded] 100 akçe Velence 1 [aded] 65 akçe Yastık 6 [aded] 180 akçe Döşek 2 [aded] 1.300 akçe Kilim yastık 1 [aded] 200 akçe Nühâs 8 kıyye 1.300 akçe Tencere 2 [aded] 240 akçe Gömlek 1 [aded] 120 akçe Beyaz kebe 1 [aded] 60 akçe Kara sığır öküzü 1 çift, 1 araba 2.400 akçe İnek 4 [aded], dana 4 [aded] 2.000 akçe Al bargir 1 [aded] 2.000 akçe Hınta 20 keyl 1.200 akçe Nakid 3.120 akçe Cem‘an yekûn 37.000 akçe Minhe’l-ihrâcât Resm-i kısmet 600 akçe Dellâliye-i eşyâ 225 akçe Huddâmiye ve ihzâriye 100 akçe Deyn-i müsbet-i mehr-i müeccel li’z-zevceti’l-mezbûre 6.000 akçe Cem‘an yekûn 6.925. Yalnız altı bin dokuz yüz yirmi beş akçedir. Sahhu’l-bâkī li’t-taksîm beyne’l-verese 30.075 akçe Hissetü’z-zevceti’l-mezbûre 3.759 akçe Hissetü’l-ibnü’l-mezbûr 13.158 akçe Hissetü’l-binti’l-mezbûre 6.579 akçe Hissetü’l-binti’l-mezbûre 6.579 akçe