Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 63 Hüküm no: 26 Orijinal metin no: [9a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun bt. Ali’nin terekesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Davudağa mahallesinde sâkine iken bundan akdem vefât eden Âişe Hatun bt. Ali’nin verâseti zevc-i metrûkü Osman Çelebi b. Mahmud ile sulbî kebîr oğlu Mustafa’ya ve sadriye kebîre kızı Emetullah’a ve sadrî sagīr oğlu Ahmed[‘e] münhasıra olduğu şer‘an zâhir ve müte‘ayyin oldukdan sonra sagīr-i mezbûrun babası ve tesviye-i umûruna vasîsi olan mezbûr Osman Çelebi ile mezbûrân Mustafa ve Emetullah taleb ve ma‘rifetleriyle tahrîr ve takvîm olunan tereke-i müteveffât-ı mezbûredir ki ber-vech-i âtî zikrolunur. Fi’l-yevmi’s-sâmin min-Recebi’l-ferd sene 1147. #&# Sandal yorgan 1 [aded] 360 akçe Köhne çuka ferâce 1 [aded] 360 akçe Köhne beyaz anteri 1 [aded] 100 akçe Köhne alaca şalvar 200 akçe Gömlek 1 [aded] 150 akçe Köhne yüz yastığı 1 [aded] 50 akçe Evrenşâhî anteri 1 [aded] 300 akçe Köhne serpûş 1 [aded] 30 akçe Köhne don 1 [aded] 40 akçe Baş yemenîsi 1 [aded] 160 akçe Köhne hamam gömleği 1 [aded] 40 akçe Köhne sincab kürk 1 [aded] 600 akçe Güvez hatâyî anteri 1 [aded] 400 akçe Cedîd çuka ferâce 1.200 akçe Köhne çuka cübbe 400 akçe Sagīr inci kuşak 720 akçe Altın bilezik çift 7.200 akçe Zümrüd küpe 1 çift 1.200 akçe Sagīr kuşak 1 [aded] 40 akçe Köhne çarşeb 1 [aded] 80 akçe Yemenî yorgan 1 [aded] 300 akçe Beledî döşek 1 [aded] 330 akçe Ocak perdesi 1 [aded] 200 akçe Minder 2 [aded] 500 akçe Köhne yastık 6 [aded] 900 akçe Köhne orta keçesi 1 [aded] ma‘a yan 2 [aded] 1.200 akçe Tencere ma‘a kapak 2 [aded] 480 akçe Leğen ma‘a ibrik 150 akçe Lengerî 30 akçe Tuc sahan 3 [aded], bakır 1 [aded] 200 akçe Mehr-i müeccel der-zimmet-i zevc el-mezbûr 3.000 akçe Cem‘an yekûn 20.920 akçe Minhe’l-ihrâcât Der-zimmet-i <> kız karındaşı Hadîce Hatun 1.065 akçe Resm-i âdî ve kassâmiye 520 akçe Kalemiye ve huddâmiye ve çukadâriye 300 akçe Kaydiye-i defter 15 akçe Harc-ı hüccet-i vesâyet 120 akçe Muhammeniye-i eşyâ 60 akçe Cem‘an yekûn 2.080 akçe Sahhu’l-bâkī li’t-taksîm beyne’l-verese 18.840 akçe Hissetü’z-zevci’l-mezbûr 4.710 akçe Hissetü’l-ibnü’l-mezbûr 5.652 akçe Hissetü’l-ibnü’l-mezbûr 5.652 akçe Hissetü’l-binti’l-mezbûre 2.826 akçe