Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 156 Hüküm no: 108 Orijinal metin no: [37b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cezerî Kasım Paşa Mahallesinde misafir olarak ikamet eden Ayşe bt. Abdullah’ın terbiyesi altında bulunan Fatma isimli kimsesiz küçük kıza nafaka tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Cezerî Kasım Paşa mahallesinde müsâfereten sâkine olup zâtı ta‘rîf-i şer‘î ile mu‘arrefe olan işbu râfi‘atü’l-kitâb Âişe bt. Abdullah nâm hatun meclis-i şer‘-i şerîf-i enverde takrîr-i kelâm ve ta‘bîr ani’l-merâm edüp işbu terbiyemde olan Fâtıma nâm sagīrenin el-yevm nafaka ve kisve-bahâya <> eşedd-i ihtiyâcı olmağla alâ-men-lehû hakku’t-taleb kıbel-i şer‘den kadr-ı kifâye nafaka ve kisve-bahâ farz ve takdîr olunmak matlûbumdur dedikde sagīre-i mezbûrenin vasîsi ve akāribinden şer‘an infâkı lâzım zâhir kimesnesi olmamağla hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīre-i mezbûre Fâtıma’nın nafaka ve kisve ve sâir levâzım-ı zarûriyesi’çün târih-i kitâbdan beher yevm üçer para nafaka ve kisve-bahâ farz ve takdîr buyurup meblağ-ı mefrûz-ı mezbûru sagīre-i mezbûrenin nafaka ve kisve-bahâsına harc ü sarfa ve lede’l-iktizâ istidâneye ve inde’z-zafer <> men-lehu’t-taleb üzerine rücû‘a mezbûre Âişe Hatun’a izin vermeğin mâ-vaka‘a bi’t-taleb ketb olundu. Fi’l-yevmi’s-sâmin ve’l-işrîn min-Zilhicceti’ş-şerîfe li-seneti seb‘a ve erba‘în ve miete ve elf. Şuhûdü’l-hâl: es-Seyyid Mehmed Ağa b. es-Seyyid Mustafa, Ahmed Efendi b. Mustafa, es-Seyyid Ahmed Efendi b. el-mukayyid, Hasan Çelebi b. Ali, Mehmed Çelebi b. Ali.