Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 416 Hüküm no: 490 Orijinal metin no: [66a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dador v. Barsek’in bakla bahasından Mardiros v. Ces’ten alacaklı olduğu Tüccâr tâifesinden Dador v. Barsek nâm zimmî meclis-i şer‘-i şerîf-i lâzımü’t-teşrîfde işbu bâ‘isü’l-kitâb Mardiros v. Ces nâm zimmî muvâcehesinde üzerine da‘vâ ve takrîr-i kelâm edip mezbûr Mardiros’a târih-i kitâbdan beş ay mukaddem her keyli otuz sekizer akçeye olmak üzre iki yüz elli keyl baklamı cem‘an dokuz bin beş yüz akçeye bey‘ ve teslîm edip ol dahi iştirâ ve kabûl ve kabz ettikden sonra bundan akdem meblağ-ı mezbûrun yedi bin altı yüz akçesini mezbûr Mardiros yedinden ahz u kabz edip bâkī bin dokuz yüz akçe zimmetinde kalmışdır suâl olunup alıverilmesi matlûbumdur dedikde, gıbbe’s-suâl mezbûr Mardiros cevâbında fi’l-vâki‘ vech-i mübeyyen üzre müdde‘î-i mezbûr Dador’a meblağ-ı mezbûrdan bâkī zimmetimde vâcibü’l-edâ ve lâzımü’l-kazâ bin dokuz yüz akçe deynim vardır deyû bi tav‘ihî ikrâr ve i‘tirâf etmeğin alâ mûcebi ikrârihî meblağ-ı bâkī-i mezbûr bin dokuz yüz akçeyi müdde‘î-i mezbûr Dador’a edâ ve teslîme merkūm Mardiros’a tenbîh birle mâ vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min Recebi’l-ferd li sene seb‘a ve seb‘în ve elf. Şuhûdü’l-hâl: İbrahim Çelebi b. Mehmed, Hasan Ağa b. Ahmed, Mehmed Çelebi b. Abdullah, Hüseyin Beşe.