Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 137 Hüküm no: 164 Orijinal metin no: [38a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi’nin Adalar naipliğine tayin olunduğu Yâ Fettâh İzzet-meâb şerî‘at-nisâb fahrü’l-kuzâti’l-kirâm el-Hâc Mustafa -dâme muvaffakan- Ba‘de’t-tahiyyeti’l-vâfiye inhâ olunur ki işbu sene selâse ve semânîn ve mi’ete ve elf mâh-ı Zilka‘detü’ş-şerîfe gurresinden zabt eylemek üzere Adalar nâhiyesinin umûr-ı şer‘iyesi kısmet-i askeriyesi ile cenâbınıza tefvîz ve sipâriş olunmuşdur gerekdir ki nâhiye-i mezbûru gurre-i merkūmeden zabt eyleyüp beyne’l-ahâlî icrâ-yı ahkâm-ı şer‘-i âlî edüp cadde-i şer‘-i şerîfden ser-i mû inhirâfa cevâz göstermeyesiz ve’s-selâm. Mine’l-fakīr el-Hâc Mehmed el-kādı bi-medîneti Üsküdar