Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 417 Hüküm no: 492 Orijinal metin no: [66a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. David v. Abraham’ın, Mustafa Çavuş b. Abdullah’a borçlu olduğu Mahmiye-i İstanbul’da sâkin Yahud tâifesinin Kalavrita cemâ‘atinden David v. Abraham nâm Yahudi meclis-i şer‘-i şerîf-i şâmihü’l-imâd ve mahfil-i dîn-i münîf râsihü’l-evtâdda işbu bâ‘isü’l-kitâb ümdetü’l-emâsil ve’l-eşbâh Mustafa Çavuş b. Abdullah nâm kimesne mahzarında bi’t-tav‘i’s-sâf ikrâr ve i‘tirâf edip cihet-i deyn-i şer‘îden mûmâ-ileyh Mustafa Çavuş’a zimmetinde vâcibü’l-edâ ve lâzımü’l-kazâ yüz elli kıt‘a esedî guruş deynim vardır dedikde gıbbe’t-tasdîki’l-vicâhî ve’t-tahkīki’ş-şifâhî mâ hüve’l-vâki‘ bi’l-ibtigā ketb ve imlâ olundu. Fi’l-yevmi’s-sâdis ve’l-ışrîn min Recebi’l-ferd li sene seb‘a ve seb‘în ve elf. Şuhûdü’l-hâl: Muharrem Çavuş b. Abdullah, Hasan Çelebi b. Ahmed, Baba Resul b. Rıdvan, müezzin Ahmed Halîfe b. Şeyh Ahmed, Mehmed Çelebi b. Abdullah.