Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 191 Hüküm no: 134 Orijinal metin no: [46b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun bt. Mehmed’in küçük oğlu Mehmed’in vasîsi olan Ahmed Çelebi b. Mehmed Bey’in 1 Rebiülahir 1144 – 29 Cemaziyelevvel 1148 dönemine ait muhasebesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Nişâncıpaşa mahallesinde sâkine iken bundan akdem vefât eden Emetullah Hatun bt. Mehmed’in sadrî sagīr oğlu Mehmed’in bâ-hüccet-i şer‘iye vasîsi olan Ahmed Çelebi b. Mehmed Bey yüz kırk dört senesi Rebî‘ülâhir gurresinden bin yüz kırk sekiz senesi Cumâdelûlâ gāyetine gelince elli ayda vasîyy-i mezbûrun görülen muhâsebesidir ki ber-vech-i âtî zikrolunur. Fi’l-yevmi’t-tâsi‘-aşer min-Cumâdelevvel li-seneti semân ve erba‘în ve miete ve elf. Sagīr-i mezbûrun ber-mûceb-i defter-i kassâm-ı askerî vasîyy-i mezbûrun makbûzu olan 12.120 akçe Sagīr-i mezbûrun menzili hissesinden vasîyy-i mezbûrun makbûzu olan 5.640 akçe Vasîyy-i mezbûrun müddet-i mezbûrede murâbahadan makbûzu olan 4.500 akçe Cem‘an yekûn 22.260 akçe Minhe’l-masârif Vasîyy-i mezbûrun elli ayda sagīr-i mezbûrun libâsına ve sâir masârif-i lâzımesine masrûfu 4.362 akçe Harc-ı defter-i muhâsebe ve kalemiye-i kâtib ve huddâmiye ve kaydiye 326 akçe Cem‘an yekûn 4.688 akçe Sahhu’l-bâkī bi-yedi’l-vasîyy-i’l-mezbûr Meblağ: 17.572 Vasîyy-i mezbûrun muhâsebesi görülüp ancak zimmetinde zuhûr eden yalnız on yedi bin beş yüz yetmiş iki akçe olduğu işbu mahalle şerh verildi.