Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 197 Hüküm no: 139 Orijinal metin no: [48a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pirinççi köyü ahalisinden Sâliha Hatun bt. Abdullah’ın terekesi <> Havâss-ı Refî‘a kazâsına tâbi‘ Pirinççi nâm karyede sâkine iken bundan akdem vefât eden Sâliha Hatun bt. Abdullah’ın zâhirde zevci Hüseyin Beşe b. Mehmed’den gayri vâris-i ma‘rûfu olmayıp terekesinin nısfı zevc-i mezbûr Hüseyin Beşe’ye ve nısf-ı âharı cânib-i Beytü’l-mâl’e âid olmağın karye-i mezbûrun Beytü’l-mâlini kabza me’mûr olan fahrü’l-akrân Ali Ağa b. Ali ile zevc-i merkūm Hüseyin Beşe taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikrolunur. Fî 3 min-Cumâdelâhire sene 1148. Köhne sandal yorgan 1 [aded] 90 akçe Köhne ihrâm 2 [aded] 120 akçe Köhne yemenî yorgan 120 akçe Def‘a köhne yorgan 1 [aded] 90 akçe Köhne yemenî yastık 3 [aded] 240 akçe Köhne beledî döşek 1 [aded] 200 akçe Köhne minder 2 [aded] 250 akçe Mûm-ı asel 35 akçe Sagīr ayna 30 akçe Köhne sarı nimten 1 [aded] 60 akçe Köhne çuka ferâce 1 [aded] 360 akçe Çuka kaplı sincab nâfe 500 akçe Köhne çarşeb 2 [aded] 60 akçe Döşek çarşebi 1 [aded] 110 akçe Köhne beyaz zıbın 22 akçe Cedîd don 1 [aded] 60 akçe Köhne ( ) 2 [aded] 280 akçe Evrenşâhî anteri 1 [aded] 170 akçe Köhne çuka ferâce 1 [aded] 60 akçe Kuşak 1 [aded] 33 akçe Peştemal ma‘a döşeme 100 akçe Edik ma‘a pabuç 84 akçe Üstlük 99 akçe Köhne serpûş 18 akçe Duhan kîsesi 1 [aded] 40 akçe Makreme 2 [aded] 40 akçe Sagīr yemenî 2 [aded] 34 akçe Def‘a Makreme 1 [aded] 15 akçe Bez parçası 120 akçe İplik 40 zirâ‘ 700 akçe Penbe ipliği 30 akçe Sagīr sîm kuşak 180 akçe Evânî-i nühâs 11 kıyye 1.200 akçe Mehr-i müeccel der-zimmet-i zevc el-mezbûr 1.000 akçe Cem‘an yekûn 6.596 akçe Minhe’l-ihrâcât Resm-i emîn-i Beytü’l-mâl 650 akçe Resm-i kısmet ve kalemiye ve huddâmiye 240 akçe Dellâliye ve dükkâniye 180 akçe Ücret-i araba 120 akçe Müjdegâne 200 akçe Kaydiye-i defter 30 akçe Cem‘an yekûn 1.420 akçe Sahhu’l-bâkī li’t-taksîm beyne’l-verese 5.176 akçe Hissetü’z-zevci’l-mezbûr 2.588 akçe Hissetü’l-Beytü’l-mâl 2.588 akçe Müteveffât-ı mezbûre Sâliha Hatun’un zevci merkūm Hüseyin Beşe bâlâda mezkûr iki bin beş yüz seksen sekiz akçe hissesini emîn-i merkūm Ali Ağa yedinden bi’t-tamam ve’l-kemâl ahz u kabz edüp zevcesi müteveffât-ı mezbûrenin terekesine müte‘allika âmme-i da‘vâdan merkūm Ali Ağa’nın zimmetini ibrâ ve ıskāt eylediği işbu mahalle şerh verildi.