Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 201 Hüküm no: 143 Orijinal metin no: [49a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Codur Hristo v. Tebko’nun? terekesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Eğr[i]kapı hâricinde vâki‘ Balatlıoğlu Bostanı demekle ma‘rûf bostanda mütemekkin iken bundan akdem hâlik olan Codur Hristo v. Tebko’nun? verâseti zevce-i metrûkesi Hristini bt. Yorgi ile sulbî kebîr oğlu Yorgi’ye münhasıra olup kable’l-kısme mezbûr Yorgi dahi hâlik olup verâseti anası mersûme Hristini ile li-üm kız karındaşları Despino ve Elina ve Zotya nâm sagīrelere <> ve ammisi gāib ani’l-beled Kristo’ya münhasıra olduğu şer‘an zâhir ve müte‘ayyin oldukdan sonra sagīrât-ı mezbûrâtın anaları ve tesviye-i emirlerine vasiyyeleri olan mersûme Hristini ile gāib-i mersûmun ammisi olup ve hisse-i mevkūfesini ahz u kabz [ve] zabt u hıfza vasî ve kayyım nasb olunan İstico v. Trban? ile Bahçıvanlar Kethudâsı Ahmed Ağa ve sâir ustalar ma‘rifetleriyle füruht olunan sebzevât ve eşcâr-ı mağrûsesi gediği semenidir ki ber-vech-i âtî zikrolunur. Fi’l-yevmi’s-sâmin min-Cumâdelâhir li-seneti semân ve erba‘în ve miete ve elf. Bâlâda mezkûr bostan derûnunda vâki‘ sebzevât ve eşcâr-ı mağrûse ve sâir âlât-ı mu‘ayyene-i mevcûdesi semeni 28.820 akçe Minhe’l-ihrâcât Hâlik-i sânî mersûmun lâşesini ilkā-i hafr içün masrûf 600 akçe Resm-i kısmet ve kalemiye-i kâtib 7 akçe Çukadâriye ve huddâmiye 240 akçe Harc-ı hüccet-i vesâyet 2 [aded] 240 akçe Dellâliye-i eşyâ, masârif-i lâzıme 600 akçe [49b] Kaydiye-i defter 40 akçe Cem‘an yekûn 2.440 akçe Sahhu’l-bâkī li’t-taksîm beyne’l-verese 26.380 akçe İki mertebede mersûme Hristini’nin hissesi 7.144 akçe Hissetü’l-mezbûre Despino 2.564 akçe Hissetü’l-mezbûre Elina 2.564 akçe Hissetü’l-mezbûre Zotya 2.564 akçe Hissetü<<’l-mezbûre>>’l-gāibi’l-mezbûr Kristope 11.544 akçe