Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 203 Hüküm no: 146 Orijinal metin no: [49b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi b. İbrahim’in terekesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Baba Haydar Nakşibendî mahallesinde sâkin iken bundan akdem vefât eden Ahmed Çelebi b. İbrahim’in verâseti zevce-i menkûha-i metrûkesi Şerîfe Hadîce Hatun bt. es-Seyyid İbrahim ile vâlidesi Zeyneb Hatun bt. Receb’e ve sulbî sagīr oğlu İbrahim’e ve sulbiye sagīre kızı Şerîfe Âişe’ye münhasıra olduğu şer‘an zâhir ve müte‘ayyin oldukdan sonra sagīrân-ı mezbûrânın tesviye-i emirlerine bâ-hüccet-i şer‘iye vasîleri olan es-Seyyid Ahmed Ağa b. Davud <> ile mezbûretân Şerîfe Hadîce ve Zeyneb hatunlar taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki [50a] ber-vech-i âtî zikrolunur. Fi’l-yevmi’s-sâmin min-Cumâdelâhir li-seneti semân ve erba‘în ve miete ve elf. Köhne aba yağmurluk 1 [aded] 150 akçe Köhne çakşır 1 [aded] 150 akçe Cedîd çakşır 1 [aded] 600 akçe Cedîd dolama 900 akçe Köhne cübbe kürk 1 [aded] 240 akçe Alaca kaftan 520 akçe Beyaz sâde 1 [aded] 75 akçe Çuka biniş 1 [aded] 340 akçe Köhne alaca anteri 1 [aded] 120 akçe Hilâlî kuşak 1 [aded] 140 akçe Kutnî anteri 1 [aded] 201 akçe Def‘a kutnî anteri 1 [aded] 180 akçe Köhne şal 1 [aded] 114 akçe Köhne fes 1 [aded] 18 akçe Köhne kavuk 3 [aded] 140 akçe Köhne zıbın 1 [aded] 30 akçe Köhne beyaz derlik 1 [aded] 80 akçe Köhne alaca 1 [aded] 200 akçe Köhne muhattem kuşak 1 [aded] 600 akçe Köhne destâr 1 [aded] 470 akçe Def‘a destâr 1 [aded] 80 akçe Def‘a destâr 220 akçe Köhne Lahor şal 400 akçe Köhne gömlek 78 akçe Köhne don 25 akçe Def‘a gömlek 80 akçe Köhne tülbend örtüsü 15 akçe Sagīr fener 120 akçe Sîm saat 800 akçe Sahan 2 [aded], tas 1 [aded] ma‘a kapak 1 [aded] 240 akçe Zahîre ma‘a hurdevât 1.200 akçe Üvey babası el-Hâc Yusuf’dan alınan bedel-i sulh 6.000 akçe Cem‘an yekûn 14.666 akçe Minhe’l-ihrâcât Deyn-i müsbet-i mehr-i müeccel 6.000 akçe Deyn-i müsbet-i bakkāl 600 akçe Resm-i âdî 360 akçe Kalemiye-i kâtib 100 akçe Çukadâriye ve ihzâriye 80 akçe Harc-ı hüccet-i vesâyet 120 akçe Dellâliye 120 akçe Kaydiye-i defter, hüccet 24 akçe Düyûn-ı müteferrika 60 akçe Cem‘an yekûn 7.464 akçe Sahhu’l-bâkī li’t-taksîm beyne’l-verese 7.202 akçe Hissetü’z-zevceti’l-mezbûre 900 akçe Hissetü’l-ümmi’l-mezbûre 1.200 akçe Hissetü’l-ibnü’l-mezbûr 3.400 akçe Hissetü’l-binti’l-mezbûre 1.700 akçe Kesr-i bâkī 2 [akçe]