Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 207 Hüküm no: 150 Orijinal metin no: [51a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yardıma muhtaç Fatma bt. Abdullah’ın eşya ve paralarının mahkeme tarafından kayıt altına alınarak oğlu Mehmed Çelebi b. Mustafa Odabaşı’nın kendisine vasî tayin edildiği İplik alacası çintiyan 2 [aded] Münakkaş uçkur 1 [aded] Boyama 2 [aded] Peşgunu 3 [aded] İplik eldivan 1 [aded] Baş makraması 2 [aded] Çarşeb 2 [aded] Yağlık-ı cedîd 2 [aded] Sini 1 [aded] Hatâyî bohça 1 [aded] Kilid 2 [aded] Def‘a çarşeb 6 [aded] Sagīr lenger 5 [aded] Sahan-ı orta 4 [aded] Tencere 1 [aded] Orta keçesi 2 [aded] Yan keçesi 4 [aded] Minder 4 [aded] Yastık-ı köhne kadife 4 [aded] Sandık-ı sepet 2 [aded] Bez 1 top Güğüm 1 [aded] İbrik 1 [aded] Kahve ibriği 2 [aded] Köhne döşek 2 [aded] Köhne yastık 5 [aded] Der-kîse guruş an-nakd Meblağ: 157 Medîne-i hazret-i Ebî Eyüb el-Ensârî -radıye anhü Rabbühü’l-Bârî-de Cezerî Kasım Paşa mahallesinde müsâfiren mütemekkin işbu sahibü’l-kitâb Mehmed Çelebi b. Mustafa Odabaşı nâm kimesne meclis-i şer‘-i hatîr-i lâzımü’t-tevkīrde takrîr-i kelâm edüp vâlidem olup mahalle-i mezbûrede sâkine Fâtıma bt. Abdullah nâm hatun mahmûdetü’l-hâle olup yedinde olan eşyâ-i memlûkesini telef ve zâyi‘ eylemesi mütehakkık olduğundan gayri menzilinde kendine hizmet eder kimesnesi olmayıp ihrâk havfı dahi gālib-i ihtimâli olmağın eşyâ-i memlûke kıbel-i şer‘den tahrîr [ve] defter olunup ve vâlidem mezbûrenin umûrunu rü’yete bir vasî nasbı lâ-büd ve lâzım ve mühim olmağın kıbel-i şer‘den mezbûre Fâtıma Hatun’un eşyâ-i memlûkesi tahrîr ve defter olundukdan sonra mezbûre Fâtıma’nın vasî nasbına eşedd-i ihtiyâc ile muhtâce olduğu ihbâr-ı Müslimîn ile mütehakkık oldukdan sonra hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri dahi diyânet ile ma‘rûf istikāmet ile mevsûf olup ve vesâyet uhdesinden gelmeğe kādir idüği ba‘de’l-ihbâ[r] müte‘ayyin olan oğlu mezbûr Mehmed Çelebi’yi vâlidesi mezbûre Fâtıma’nın bâ-defter eşyâsını hıfza ve umûrunu rü’yete vasî nasb ve ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesin kemâ-yenbagī edâya [mü]te‘ahhid olmağın mâ-vaka‘a bi’t-taleb ketb olundu. Fi’l-yevmi’l-hâdî ve’l-işrîn min-Cumâdelâhir sene 1148. Şuhûdü’l-hâl: Ali Ağa b. Veli, Müezzin Molla Mustafa b. Halîfe, İsmail Çelebi b. Mustafa, Ali Çelebi b. Hüseyin, <> Ali Çelebi b. Hasan, es-Seyyid Ahmed Çelebi [b.] İbrahim, Mehmed Çelebi b. Abdullah.