Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 239 Hüküm no: 180 Orijinal metin no: [60b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yeniçeri Kayıkçı Ahmed Beşe b. Abdullah’ın terekesi Dergâh-ı âlî -dâme mahfûfen bi’l-ma‘âlî- yeniçerilerinin Sekizinci Bölük neferâtından olup Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de İskele-i Kebîr’de sâkin iken bundan akdem vefât eden Kayıkçı Ahmed Beşe b. Abdullah’ın zâhirde vâris-i ma‘rûfu olmayıp terekesi cânib-i Beytü’l-mâl’e âid olmağın tâife-i mezbûrun Beytü’l-mâlini kabza me’mûr olup mahmiye-i İstanbul’da Yeniçeri Beytü’l-mâl Emîn[i] olan fahrü’l-akrân İbrahim Ağa b. ( ) taraflarından vekîl-i sâbitü’l-vekâlesi olan Kapı Kethudâsı İsmail Ağa b. Mustafa taleb ve ma‘rifeti[y]le tahrîr ve füruht olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’l-hâmis min-Şa‘bâni’l-mu‘azzam li-seneti semân ve erba‘în ve miete ve elf. Köhne beyaz Yanbolu kebesi 1 [aded] 240 akçe Köhne âbdest nimten 1 [aded] 93 akçe Köhne kebe nimten 1 [aded] 63 akçe Köhne aba şalvar 1 [aded] 60 akçe Köhne bogası anteri 1 [aded] 69 akçe Köhne şalvar ma‘a zıbın ma‘a hurdevât 48 akçe Köhne teğelti ma‘a başlık 1 [aded] 18 akçe Köhne kuşak 1 [aded] ma‘a bıçak 1 [aded] 69 akçe Köhne nimten kebe 1 [aded] 72 akçe Köhne aba yağmurluk 1 [aded] 48 akçe Köhne yorgan 1 [aded] 120 akçe Köhne kayık 1 [aded] 990 akçe Cem‘an yekûn 1.929 akçe Minhe’l-ihrâcât Techîz ve tekfîn 378 akçe Deyn-i müsbet-i icâre-i kayıkhâne 30 akçe Deyn-i müsbet-i icâre-i oda 180 akçe Deyn-i bakkāl 9 akçe Resm-i emîn-i Beytü’l-mâl 189 akçe Resm-i kısmet 60 akçe Kalemiye-i kâtib 40 akçe Çukadâriye ve huddâmiye 24 akçe Dellâliye-i eşyâ ve dükkâniye 84 akçe Ta‘âmiye 41 akçe Kaydiye 15 akçe Cem‘an yekûn 1.053 akçe Sahhu’l-bâkī bi-yedi emîni’l-mezbûr Meblağ: 873