Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 240 Hüküm no: 181 Orijinal metin no: [60b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçükçekmece nahiyesinin Katakule köyü ahalisinden Yeniçeri Ömer Beşe b. İsmail’in terekesi Dergâh-ı âlî -dâme mahfûfen bi’l-ma‘âlî- yeniçerilerinin İkinci Cemâ‘at neferâtından olup Havâss-ı Refî‘a kazâsı muzâfâtından Küçük Çekmece nâhiyesine tâbi‘ Katakule nâm karyede sâkin iken bundan akdem vefât eden Ömer Beşe b. İsmail’in zâhirde zevce-i menkûha-i metrûkesi Ârife Hatun bt. Abdullah’dan gayri vâris-i ma‘rûfu olmayıp terekesinin rub‘[u] zevcesi mezbûre Ârife Hatun’a ve selâsetü erbâ‘ı cânib-i Beytü’l-mâl’e âid olmağın tâife-i mezbûrun Beytü’l-mâlini kabza me’mûr olup mahmiye-i İstanbul’da Yeniçeri Beytü’l-mâl Emîni olan fahrü’l-akrân el-Hâc İbrahim Ağa b. [( )] taraflarından vekîl-i sâbitü’l-vekâlesi olan Ahmed Ağa b. el-Hâc Mehmed ile mezbûre Ârife Hatun taleb ve ma‘rifetleriyle tahrîr [61a] ve taksîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’s-sâlis-aşer min-Şa‘bâni’l-mu‘azzam li-seneti semân ve erba‘în ve miete ve elf, min-hicreti men-lehu’l-izzü ve’ş-şeref. Köhne destâr 1 [aded] 45 akçe Kırmızı çuka köhne <> göcen kürk 400 akçe Kırmızı kuşak 1 [aded] 60 akçe Köhne mâ‘i âbdest nimten 1 [aded] 60 akçe Köhne ağa nimten 1 [aded] 30 akçe Köhne kırmızı çuka nimten 1 [aded] 20 akçe Burçak 6 keyl, fî: 40 [akçe] 240 akçe Hınta 30 keyl, fî: 60 [akçe] 1.800 akçe Alef 8 keyl, fî: 24 [akçe] 192 akçe Mezrû‘ hınta 15 keyl, fî: 120 [akçe] 1.800 akçe Bir mikdâr saman 1.400 akçe Kara sığır tosunu 1 tek 360 akçe Koca öküz 1 çift 600 akçe Hurdevât-ı menzil 120 akçe Nısf menzil 3.600 akçe Cem‘an yekûn 10.717 akçe Minhe’l-ihrâcât Techîz ve tekfîn ve ıskāt-ı salât ber-mûceb-i vasiyyet 1.560 akçe Deyn-i müsbet-i mehr-i müeccel 1.500 akçe Deyn-i müsbet-i Hasan Çelebi 120 akçe Tarla içün subaşıya verilen 180 akçe Resm-i emîn-i Beytü’l-mâl 1.080 akçe Resm-i âdî 270 akçe Karye-i mezbûreye giden kâtibe ücret 240 akçe Çukadâriye ve huddâmiye 200 akçe Kaydiye-i defter 30 akçe Müjdegâne ve ücret-i bargir ve ta‘âmiye 1.200 akçe Cem‘an yekûn 6.380 akçe Sahhu’l-bâkī li’t-taksîm beyne’l-verese 4.337 akçe Hissetü’z-zevceti’l-mezbûre 1.084 akçe Hissetü Beytü’l-mâl 3.253 akçe Mezbûre Ârife Hatun zevc[i] müteveffâ-yı mezbûr zimmetinde mütekarrir ve ma‘kūdün-aleyh bin beş yüz akçe mehr-i müeccel-i müsbet ile sümün hissesine isâbet eden bin seksen dört akçeyi vekîl-i mezbûr Ahmed Ağa yedinden bi’t-tamam ve’l-kemâl ahz u kabz eylediği işbu mahalle şerh verildi.