Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 242 Hüküm no: 182 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancıbaşı Mustafa Ağa b. Osman’ın küçük kızı Esma’nın kardeşi ve vasîsi Ali Ağa’nın 1 Cemaziyelevvel 1147 - 1 Receb 1148 dönemine ait muhasebesi Medîne-i hazret-i Ebî Eyüb-i Ensârî -aleyhi rahmetü Rabbihi’l-Bârî-de Baba Haydar Nakşibendî mahallesi ahâlîsinden iken bundan akdem vefât eden sâbıkā Bostancıbaşı olan Mustafa Ağa b. Osman’ın sulbiye sagīre kızı Esma’nın karındaşı ve tesviye-i umûruna vasîsi olan Ali Ağa’nın bin yüz kırk yedi senesi Cumâdelûlâ gurresinden bin yüz kırk sekiz senesi Receb gurresine gelince vasîyy-i mezbûrun üzerine hasbî nâzır olan sagīre-i mezbûrenin vâlidesi Fâtıma Hatun bt. Abdullah ma‘rifeti[y]le vasîyy-i mezbûrun on dört ayda görülen muhâsebesidir ki ber-vech-i âtî zikrolunur. Fi’l-yevmi’s-sânî min-Şa‘bâni’l-mu‘azzam li-seneti semân ve erba‘în ve miete ve elf. Meblağ: 26.312 Murâbahadan makbûzu 4.600 akçe Sagīre-i mezbûrenin babası müteveffâ-yı mezbûrun mahalle-i mezbûrede vâki‘ mülk arsa altı nefer vârislerine kalmağla arsa-i mezkûru vasîyy-i mezbûr verese-i mezbûrûn ile ma‘an bey‘ edüp sagīre-i mezbûrenin hissesine isâbet eden 570 akçe Sagīre-i mezbûrenin babası müteveffâ-yı mezbûrun vârislerine altı camus ineği kalıp vasîyy-i mezbûr vârisler ile ma‘an camus-ı mezkûru altmış guruşa bey‘ edüp sagīre-i mezbûrenin hissesine isâbet eden 570 akçe [61b] Cem‘an yekûn 32.052 akçe Minhe’l-<>masârif Sagīre-i mezbûrenin on dört ayda nafaka-i mefrûzasına 4.200 akçe Harc-ı defter-i muhâsebe 240 akçe Kalemiye-i kâtib 60 [30] akçe Huddâmiye ve kaydiye 30 akçe Cem‘an yekûn 4.500 akçe Sahhu’l-bâkī bi-yedi’l-vasîyy-i’l-mezbûr Meblağ: 27.552 Sagīre-i mezbûrenin vâlidesi ve hasbî nâzırı olan Fâtıma Hatun ma‘rifeti[y]le vasîyy-i mezbûrun kendi kavliyle muhâsebesi görülüp zimmetinde zuhûr eden yalnız yirmi yedi bin beş yüz elli akçe kaldığı işbu mahalle şerh verildi.