Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 253 Hüküm no: 193 Orijinal metin no: [65b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçükköy ahalisinden Aleksi v. Apostol’un terekesi Havâss-ı Refî‘a kazâsına tâbi‘ Küçük nâm karyede mütemekkin iken bundan akdem hâlik olan Aleksi v. Apostol’un verâseti zevce-i metrûkesi Balaşe bt. Yani ile sulbî kebîr oğlu Dimitraki ve sulbî sagīr oğulları Ligorski ve Yanaki’ye ve mezbûre Balaşe’nin bat[nın]da müstebîn hamle ve sulbiye kebîre kızı Karsince’ye münhasıra olduğu şer‘an zâhir ve müte‘ayyin oldukdan sonra sagīrân-ı mezbûrânın anaları ve tesviye-i emirlerine ve haml-i mezbûrun hisse-i mevkūfesini ahz u kabz [ve] zabt u hıfza kıbel-i şer‘den vasî nasb olunan mezbûre Balaşe ile mezbûrân Dimitraki ve Karsince taleb ve ma‘rifetleriyle tahrîr ve taksîm olunan tereke-i hâlik-i mersûmdur ki ber-vech-i âtî zikrolunur. Fi’l-yevmi’r-râbi‘ min-Ramazani’l-mübârek li-seneti semân ve erba‘în ve miete ve elf. Tüfenk 1 [aded] 1.200 akçe Kılıç 1 [aded] 1.000 akçe Köhne çuka yastık 11 [aded] 3.400 akçe Minder 5 [aded] 1.200 akçe Hasır 1 [aded] 240 akçe Altın yüzük 1 [aded] 600 akçe Köhne sincab kürk 1 [aded] 580 akçe Cedîd çakşır 1 [aded] 600 akçe Köhne dolama 1 [aded] 600 akçe Köhne hâre kaftan 1 [aded] 480 akçe Nâfe kürk 1 [aded] 1.800 akçe Sîm bıçak 1 [aded] 600 akçe Kazgan 2 [aded] 3.600 akçe Tencere 1 [aded] ma‘a sahan 1 [aded] ve tâbe 2.400 akçe Katır 1 re’s 2.000 akçe Hamr müdre 3.000 akçe Hurdevât ve sâir âlât-ı bağ 3.500 akçe Sagīr ve kebîr fıçı ve lâle 3.600 akçe Bağ dönüm 14.000 akçe Menzil der-karye-i mezbûr, ber-vech-i tahmîn 120.000 akçe Nakid der-kîse 15.000 akçe Cem‘an yekûn 181.000 akçe Hâlik-i mersûmun mümkinü’l-husûl zimemidir ki ber-vech-i âtî zikrolunur Der-zimmet-i Arzmoyi kilise? yed-i? Papas 120.000 akçe Çatalca[‘da] mütemekkin ( ) nâm zimmî zimmetinde 54.000 akçe Der-zimmet-i Argir [zi]mmî 25.200 akçe Der-zimmet-i sarrâf 132.000 akçe Der-zimmet-i Mihal Bey 60.000 akçe Der-zimmet-i ( ) 20.000 akçe Cem‘an yekûn 421.200 akçe Cem‘an yekûn 602.200 akçe, eşyâ ve nakid ve zimem. [66a] Minhe’l-ihrâcât Hâlik-i mersûmun lâşesine ve sâir papaslarına ber-mûceb-i vasiyyet verilen 60.000 akçe Resm-i âdî ve kassâmiye 13.200 akçe Kalemiye-i kâtib 1.200 akçe Çukadâriye ve huddâmiye 1.200 akçe Kaydiye-i defter 240 akçe Ücret-i bargir 600 akçe Cem‘an yekûn 76.440 akçe Sahhu’l-bâkī li’t-taksîm beyne’l-verese 525.760 akçe Hissetü’z-zevceti’l-mezbûre 65.720 akçe Hissetü’l-ibnü’l-mezbûr 83.642 akçe Hissetü’l-ibnü’l-mezbûr 83.642 akçe Hissetü’l-ibnü’l-mezbûr 83.642 akçe Hissetü’l-ibnü’l-mezbûr 83.642 akçe Hissetü’l-hamlü’l-mezbûr 83.642 akçe Hissetü’l-binti’l-mezbûre 41.821 akçe