Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 278 Hüküm no: 211 Orijinal metin no: [73a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rumeli Kazaskeri Mehmed Salim Efendi tarafından Havass-ı Refîa kazası Askerî Kassamlığı’na 1 Zilka‘de 1148 tarihi itibarıyla yapılan görevlendirme İzzetlü, fazîletlü ( ) efendi ( ) hazretlerinin meclis-i izzet-elîfleri savbına şerâif-i ed‘iye-i müstetâbe ithâfı siyâkında inhâ-kerde-i muhlisî budur ki: İşbu sene semân ve erba‘în ve miete ve elf Zilka‘deti’ş-şerîfesi gurresinden havze-i hükûmetleri olan Havâss-ı Refî‘a kazâsının umûr-ı kısmet-i askeriyyesi taraf-ı şerîflerine tefvîz olunmağın gurre-i mezbûreden kazâ-i mezkûrede vâkı‘a mevtâ-yı askeriyye muhallefâtını tahrîr ve terkīm ve beyne’l-verese bi’l-farîzati’ş-şer‘iye tevzî‘ ve taksîm buyuralar. Bâkī hem-vâre tevfîk-i refîk bâd. Hurri[re] fi’t-târîhi’l-mezbûr. Mine’l-muhlisı’l-fakīr Mehmed Sâlim El-kādı bi-asâkiri Rumeli