Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 57 Hüküm no: 11 Orijinal metin no: [4a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balçık Tekkesi Şeyhi Şeyh Abdullah Efendi’nin terekesi Medîne-i Hazret-i Ebî Eyyüb el-Ensârî’de Cezerî Kasım Paşa Mahallesiʼnde vâki‘ Balçık Tekyesi’nde şeyh olup düyûnu terekesinden ezyed olduğu hâlde intikāl-ı dâr-ı bekā eden eş-Şeyh Abdullah Efendi b. eş-Şeyh Mahmud Efendi’nin verâseti zevce-i menkûha-i metrûkesi Şerife Münevvere nâm hatun ile sulbî kebîr oğulları es-Seyyid Salih ve es-Seyyid Abdülgani’ye münhasıra oldukdan sonra verese-i mezbûrûn müteveffâ-i mezbûrun tereke-i kāsırasına vaz‘-ı yed etmeyip li-ecli’l-iktizâ kıbel-i şer‘den mezbûr es-Seyyid Abdülgani vasî ve kayyım nasb olunup dâyinlerin talebleriyle tahrîr ve fürûht olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’s-sânî aşer min-Muharremi’l-harâm li-sene semân ve hamsîn ve mi’e ve elf. Köhne kürk 480 akçe Köhne mâî çuka 510 akçe Sagīr minder ve yatağı, fî: 40 660 akçe Köhne kadife yasdık yüzü 215 akçe Köhne anteri ma‘a çarşeb 80 akçe Köhne destâr, 1 90 akçe Köhne yorgan 80 akçe Nukūd der-kîse 330 akçe Yekûn: 2.445 akçe. Minhâ el-ihrâcât: Techîz ve tekfîn 645 akçe Sahhe’l-bâkī li’t-taksîm beyne’l-verese: 1.800 akçe. Deyn-i müsbet-i mehr-i zevce Şerife Münevvere Hatun Meblağ: 3.000 Mine’l-guremâ: 1.500 akçe Deyn-i müsbet-i mütevellî kayyım Ahmed bâ-temessük Meblağ: 1.800 Mine’l-guremâ: 90 akçe Deyn-i müsbet-i Ormanzâde Mollâ Mustafa Meblağ: 1800 Mine’l-guremâ: 90 akçe Deyn-i müsbet-i Bakkāl zimmî der-sûk-ı Çömlekçiler Meblağ: 960 Mine’l-guremâ: 48 akçe Düyûn-ı müteferrika ve kasab ve ekmekçi Meblağ: 1.320 Mine’l-guremâ: 66 akçe