Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 70 Hüküm no: 20 Orijinal metin no: [7a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Markarit bt. Bogos’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbi’l-bârî-’de Baba Haydar Nakşibendî Mahallesi’nde mütemekkine iken bundan akdem hâlike olan Markarit bt. Bogos’un verâseti zevce-i metrûku Aleksandır v. Haçador ile sadriye sagīre kızları Tartabsan ve Saltane’ye münhasıra olduğu şer‘an zâhir ve müteʻayyen oldukdan sonra sagīretân-ı mezbûretânın babaları ve tesviye-i emirlerine vasîleri olan mezbûr Aleksandır taleb ve ma‘rifetiyle tahrîr ve taksîm olunan tereke-i mezbûredir ki ber-vech-i âtî zikr olunur. Fi’l-yevmi’s-sâlis min-Saferi’l-hayr li-sene semân ve hamsîn ve mi’e ve elf. Köhne ferâce, 1 240 akçe Köhne anteri, 1 150 akçe Köhne don 1, ma‘a gömlek 1 150 akçe Köhne yemenî, 1 120 akçe Köhne serpûş, 1 24 akçe Minder, 1 120 akçe Köhne yorgan, 1 200 akçe Beledî döşek, 1 480 akçe Yasdık, 4 480 akçe Köhne keçe, 1 120 akçe Sagīr kuşak, 1 120 akçe Tencere, 1 180 akçe Sahan, 3 180 akçe Tâbe, 1 60 akçe Köhne alaca çarşeb, 1 200 akçe Sagīr sini, 2 200 akçe Tas sagīr, 1 60 akçe Köhne hamam rahtı 150 akçe Hamam tası ma‘a kutu 60 akçe Hırdavât-ı menzil 120 akçe Yekûn: 3.954 akçe. Minhâ el-ihrâcât: Resm-i kısmet 100 akçe Kalemiye ve hüddâmiye 30 akçe Harc-ı vasiyyet 120 akçe Kaydiye 10 akçe Cem‘an yekûnü’l-ihrâcât: 260 akçe. Sahhe’l-bâkī li’t-taksîm beyne’l-verese: 3.694 akçe. Hissetü’z-zevci’l-mezbûr 924 akçe Hissetü’l-binti’l-mezbûre 1.385 akçe Hissetü’l-binti’l-mezbûre 1.385 akçe