Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 75 Hüküm no: 25 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid el-Hâc Mustafa Ağa’nın vârisleri arasında taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Baba Haydar Nakşibendî Mahallesiʼnde sâkin iken bundan akdem vefât eden es-Seyyid el-Hâc Mustafa Ağa b. el-Hâc Mehmed’in verâseti vâlidesi olup vilâyet-i Anadolu’da Kula kasabasında sâkin Emetullah Hatun bt. ( ) ile sulbî kebîr oğlu es-Seyyid Mehmed Tahir ve sulbiye kebîre kızı Şerife Fâtıma’ya münhasıra olduğu şer‘an zâhir ve müteʻayyen oldukdan sonra mezbûre Emetullah Hatun’un hisse-i irsiyyesini ahz u kabz, zabt u hıfza bâ-hüccet-i şer‘iyye vasî ve kayyım nasb olunan es-Seyyid Ali Ağa b. el-Hâc Mehmed ile mezbûrân es-Seyyid Mehmed Tahir ve Şerife Fâtıma taleb ve ma‘rifetleriyle tahrîr ve takvîm ve taksîm olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’t-tâsiʻ min-Saferi’l-hayr li-sene semân ve hamsîn ve mi’e ve elf. Mushaf-ı şerîf, 1 1.440 akçe Altın pandül sâʻat, 1 7.200 akçe Sim taşlı bıçak, 1 1.500 akçe Kalenbek tesbîh, 1 150 akçe Beyâz çuka biniş, 1 1.000 akçe Mor çuka kaplı karsak kürk, 1 3.600 akçe Köhne şal kākum kürk, 1 1.800 akçe Köhne zerdava kürk, 1 2.400 akçe Köhne sincab kürk, 1 1.200 akçe Sarı keremsûd kaftan, 1 360 akçe Güvez kaftan, 1 360 akçe Fıstıkī çuka dolama, 1 1.200 akçe Köhne yeşil çuka dolama, 1 1.000 akçe Çuka müsta‘mel çakşır, 2 1.000 akçe Köhne şal, 1 600 akçe Siyah kemerbend kuşak, 1 1.200 akçe Alaca şal kuşak, 1 800 akçe Köhne Rakka şalı, 1 1.000 akçe Beyâz kutnî kaftan, 1 1.200 akçe [8b] Kaliçe seccâde, 1 720 akçe Sakal tarağı, 1 60 akçe Sâye çuka biniş, 1 2.400 akçe Köhne alaca anteri, 1 300 akçe Şam alacası anteri, 1 240 akçe Köhne mâî çuka biniş, 1 720 akçe Neftî çuka biniş, 1 600 akçe Cedîd alaca anteri, 1 600 akçe Köhne zerdava paçası kürk, 1 2.000 akçe Beyâz meşâmî anteri, 33 1.200 akçe Köhne destâr, 2 800 akçe Tahta sandık, 1 240 akçe Piştov ma‘a kubûr, 1 çift 1.000 akçe Hilâli gaddâre 1 ma‘a raht 1 ve göynek 1 1.200 akçe Tüfenk, 2 1.200 akçe Köhne kavuk, 2 160 akçe Eğer ma‘a rikāb 480 akçe Abdest leğeni, 1 500 akçe İbrik 2 ma‘a leğen 1 ma‘a sini 1 1.200 akçe Kahve ibriği, 7 360 akçe Fağfûr fincan, 3 120 akçe Yorgan, 2 720 akçe Beledî döşek, 1 600 akçe Yüz yasdık, 2 120 akçe Şilte, 1 120 akçe Don 2 ma‘a gömlek 2 300 akçe Nakid der-kîse 3.620 akçe Cem‘an yekûn: 50.590 akçe. Yalnız elli bin beş yüz doksan akçedir. Minhâ el-ihrâcât: Techîz ve tekfîn ve ıskāt-ı salât ber-mûceb-i vasiyyet 7.560 akçe Deyn-i müsbet-i Attâr el-Hâc Mehmed bi-ikrârı verese 1.680 akçe Deyn-i Mehmed ve yorgancı ve haffâf bi-ikrârı verese 880 akçe Resm-i âdî 1.260 akçe Kalemiye-i kâtib 300 akçe Çukadâriye 150 akçe İhzâriye 120 akçe Harc-ı vasiyyet 480 akçe Kaydiye-i defter 60 akçe Cem‘an yekûnü’l-ihrâcât: 12.490 akçe. Sahhe’l-bâkī li’t-taksîm beyne’l-verese: 38.100 akçe. Hissetü’l-ümmi’l-mezbûre 6.250 akçe Hissetü’l-ibni’l-mezbûr 21.234 akçe Hissetü’l-binti’l-mezbûre 10.616 akçe