Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 81 Hüküm no: 32 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa Bahçesi’nde müstecir iken ölen Bahçıvan Yorgo v. Mihal’in terekesi Havâss-ı Refîʻa kazâsı mülhakātından Silivrikapısı hâricinde vâki‘ asrında sekbanbaşı iken vefât eden Hasan Ağa Bahçesi demekle ma‘rûf bahçede müstecir iken bundan akdem hâlik olan Bahçıvân Yorgo v. Mihal’in li-ebeveyn ammisi ve hasren vârisi Nikola v. Hiristo nâm zimmîye baʻde’l-inhisâr mezbûr Nikola dahi taleb ve ma‘rifetiyle tahrîr olunan terekesidir ki ber-vech-i âtî zikr olunur. Fi’l-yevmi’s-sâdis aşer min-Saferi’l-hayr li-sene semân ve hamsîn ve mi’e ve elf. Hâlik-i mesfûrun bahçe derûnunda kırk aded magrûs eşcârı ve pırasa ve marul ve enginar ve soğan ve salata ve sâir âlât-ı bahçenin rub‘ hissesi kethüdâları ve sâir esnâfları ma‘rifetiyle ber-vech-i tahmîn, meblağ: 2.080 Minhâ el-ihrâcât: Resm-i âdî 50 akçe Kalemiye-i kâtib ve hüddâmiye 21 akçe Kaydiye-i defter 9 akçe Yekûnü’l-mesârif: 80 akçe. Sahhe’l-bâkī, meblağ: 2.000 akçe. Yalnız iki bin akçedir. Nikola zimmîye isâbet etmişdir.