Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 87 Hüküm no: 39 Orijinal metin no: [11a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çelebi’nin vefâtıyla küçük kızları Ayşe ve Fâtıma’ya nineleri Zeyneb Hatun bt. Abdullah’ın vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de İslâmbey Mahallesiʼnde sâkin iken bundan akdem vefât eden Ali Çelebi b. Mehmed’in sulbiye sagīre kızları Âişe ve Fâtıma’nın tesviye-i emirlerine kıbel-i şer‘den bir vasî nasbı lâzım ve mühim olmağın emânet ile ma‘rûfe ve diyânet ile mevsûfe her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan işbu râfiʻatü’l-kitâb min-kıbeli’l-eb ceddesi Zeyneb Hatun bt. Abdullah’ı hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīretân-ı mezbûretânın tesviye-i emirlerine vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâdis ve’l-ışrîn min-Saferi’l-hayr li-sene semân ve hamsîn ve mi’e ve elf. Şuhûdü’l-hâl: Es-Seyyid Ömer Ağa b. Receb, Mustafa Efendi b. Hüseyin, es-Seyyid Mehmed b. es-Seyyid Mustafa, Ahmed Efendi b. Mustafa ve gayruhum.