Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 89 Hüküm no: 42 Orijinal metin no: [11b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cami-i Kebir Medresesi’nde vefât eden Şeyh Ali Efendi’nin terekesi Dergâh-ı Âlî -dâme mahfûfen bi’l-maʻâlî- acemi mütekāʻidlerinden olup medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de vâki‘ Câmi‘-i Kebîr Medresesi’nde sâkin iken bundan akdem vefât eden eş-Şeyh Ali Efendi b. Abdullah’ın zâhirde vâris-i ma‘rûfu olmayıp müteveffâ-i mezbûrun sülüs vasiyyeti olmağla sülüsân terekesi cânib-i beytülmâla âid olmağın mahmiye-i İstanbul’da yeniçeri beytülmâlı emîni olup tâife-i mezbûrun beytülmâlını kabza meʼmûr olan fahrü’l-akrân Hasan Ağa b. Abdullah tarafından vekîl-i sâbitü’l-vekâlesi olan Nâzır Hüseyin Ağa b. Ahmed ile müteveffâ-i mezbûrun sülüsünü tenfîze bâ-hüccet-i şer‘iyye vasiyy-i muhtârı olan Nurullah Çelebi b. Ahmed taleb ve ma‘rifetleriyle tahrîr ve fürûht olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’s-sânî ve’l-ışrîn min-Saferi’l-hayr li-sene semân ve hamsîn ve mi’e ve elf. Köhne çakşır, 1 30 akçe Köhne kuzu kürkü, 1 160 akçe Hırdavât 42 akçe Peşkir ma‘a bıçak 30 akçe Köhne çizme 50 akçe Köhne kavuk, 1 ( ) Mum-ı asel 240 akçe Kaşık 21 akçe Yeniçeri astârı, 2 50 akçe Papuç, 2 çift 117 akçe Köhne sandık, 1 60 akçe Köhne çuka cübbe, 1 140 akçe Köhne beyâz çuka biniş, 1 400 akçe Beyâz sâde, 1 110 akçe Köhne zıbın, 1 60 akçe Köhne kutnî kaban, 1 90 akçe Köhne çarşeb, 1 110 akçe Def‘a kutnî anteri, 1 176 akçe Köhne uçkur, 1 150 akçe Dokuma peşkir, 1 50 akçe Tekne ma‘a sagīr duhân-ı bıçak, 1 21 akçe Mankal tahtası, hırdavât 27 akçe Bir mikdâr mercimek (…) Köhne hasır 30 akçe Şişeler 17 akçe Hırdavât 20 akçe Köhne kahve kutusu 40 akçe (…) 30 akçe [12a] Yelpaze 30 akçe Köhne yasdık, 2 480 akçe Minder, 1 200 akçe Köhne yemenî yorgan 250 akçe Köhne seccâde 100 akçe Def‘a seccâde, 1 80 akçe Köhne yorgan 120 akçe Def‘a yorgan, 1 200 akçe Yelek parçası 30 akçe Köhne destâr, 1 60 akçe Köhne tilki paçası kürk 150 akçe Köhne çarşeb, 1 37 akçe Neftî çuka ferâce 500 akçe Bir mikdâr duhân 200 akçe Def‘a köhne çarşeb 120 akçe Def‘a çarşeb 15 akçe Boğça 60 akçe Yüz yasdığı, 1 30 akçe Köhne başlık, 1 30 akçe Tesbîh 45 akçe Fincan, 2 45 akçe Kemer kuşak 30 akçe Sakal tarağı ma‘a sandık 26 akçe Duhân çubuğu, 2 15 akçe Tuç havan 120 akçe Tencere, 2 120 akçe Sahan, 4 160 akçe Lengerî, 2 60 akçe Kadayıf tepsisi, 1 90 akçe Fener, 1 60 akçe Leğen 1, ma‘a tas 1 105 akçe Kahve ibriği, 5 100 akçe Şamʻdân, 1 42 akçe Tâbe ma‘a şişe 18 akçe Sini, 1 240 akçe Güğüm, 1 180 akçe Lüleler 30 akçe Hamam gömleği 90 akçe Makrame, 2 110 akçe Koyun makramesi, 4 220 akçe Köhne boğça 12 akçe Yemenî, 1 31 akçe Beldârî anteri, 1 700 akçe Haleb alacası, top 470 akçe Sim kâse, 1 120 akçe Köhne kutnî kaban 96 akçe Duhân kîsesi, 2 50 akçe Çuka parçaları 50 akçe Makrame 60 akçe Sepet sandık 15 akçe Abdest makramesi 230 akçe Köhne kaban 60 akçe Çuka çakşır 720 akçe Köhne çuka nimten, 1 120 akçe Köhne çarşeb 120 akçe Şamʻdân 30 akçe Tas, 1 30 akçe Billûr bardak 80 akçe Köhne kilim, 1 130 akçe Bogasi anteri, 1 180 akçe Kırmızı kaban 240 akçe Revgan-ı sâde 400 akçe Nukūd der-kîse 1.550 akçe Cem‘an yekûn: 12.428 akçe. Minhâ el-ihrâcât: Techîz ve tekfîn 921 akçe Resm-i emîn-i beytülmâl 1.400 akçe Resm-i kısmet 350 akçe Kalemiye-i kâtib 120 akçe Çukadâriye ve hüddâmiye 120 akçe Kaydiye-i defter 30 akçe Müjdegâne ve dellâliye ve dükkâniye 460 akçe Yekûnü’l-mesârif: 3.401 akçe. Sahhe’l-bâkī, meblağ: 9.027 akçe. Yalnız dokuz bin yirmi yedi akçedir. Minhe’s-sülüs, meblağ: 3.009 akçe. Sahhe’l-bâkī bi-yedi emîni’l-mezbûr, meblağ: 6.018 akçe. Yalnız altı bin on sekiz akçedir.