Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 108 Hüküm no: 61 Orijinal metin no: [16a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha Hatun’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Davud Ağa Mahallesiʼnde sâkine iken bundan akdem vefât eden Sâliha Hatun bt. Abdullah’ın verâseti zevc-i metrûku el-Hâc Yusuf b. Abdullah ile sadriye sagīre kızı Fâtıma’ya ve usûbet-i nesebiyye cihetinden hâlâ Matbah Emîni sa‘âdetlü İbrahim Efendi b. Mustafa Ağa’ya münhasıra olduğu şer‘an zâhir ve müteʻayyen oldukdan sonra sagīre-i mezbûrenin babası ve tesviye-i umûruna mansûb vasîsi olan mezbûr el-Hâc Yusuf ile mûmâ-ileyh İbrahim Efendi tarafından vekîl-i sâbitü’l-vekâlesi olan Yusuf Ağa b. Yusuf taleb ve ma‘rifetleriyle tahrîr ve taksîm olunan tereke-i müteveffât-ı mezbûrdur ki ber-vech-i âtî zikr olunur. Fi’l-yevmi’s-sâbiʻ aşer min-Rebîʻülâhir sene semân ve hamsîn ve mi’e ve elf. Çuka ocak perdesi, 1 300 akçe Köhne sofra ma‘a peşkir, 1 170 akçe Müsta‘mel sincab kürk, 1 1.080 akçe Çuka ferâce, 1 900 akçe Köhne beyâz anteri, 1 240 akçe Köhne kavuşdurma, 1 600 akçe Köhne al hatâî anteri, 1 435 akçe Def‘a köhne anteri, 1 370 akçe Beyâz telli hatâî anteri, 1 660 akçe Ayna, 1 120 akçe Köhne turuncu hâre cübbe, 1 665 akçe Mor hatâî anteri, 1 685 akçe Sim kuşak, 1 1.120 akçe İnci kuşak, 1 2.550 akçe Sagīr sim kuşak, 1 120 akçe Hamam rahtı, 1 300 akçe Şeritli şâlî cübbe, 1 2.400 akçe Köhne gömlek, 3 180 akçe Beyâz sâde, 1 300 akçe Beyâz dülbend şalvar, 1 180 akçe Serpûş ma‘a havlu 110 akçe Fincan zarf, 3 321 akçe Sepet sandık, 1 120 akçe Tek zümrüd küpe, 1 1.400 akçe Altın bilezik 6.370 akçe Leğen ma‘a ibrik, 1 300 akçe Yemenî yorgan, 1 300 akçe Def‘a yorgan, 1 330 akçe Def‘a yorgan, 1 310 akçe Def‘a yorgan, 1 300 akçe Beledî döşek, 1 480 akçe Çatma yasdık 10, minder 3, köhne makʻad 3 7.205 akçe Kapı perdesi, 1 200 akçe [16b] Çuka seccâde, 1 240 akçe Ferrâş 1, ma‘a iskemle 1 240 akçe Köhne orta keçesi, 1 400 akçe Tencere 4, ma‘a kapak 4 800 akçe Kurâde güğüm, 1 240 akçe Sini, 1 360 akçe Sahan 1, ma‘a kapak 1 1.440 akçe Tas 1, ma‘a kahve ibriği 1 120 akçe Mehr-i müeccel der-zimmet-i zevcü’l-mezbûr 4.800 akçe Yekûn: 39.956 akçe. Yalnız otuz dokuz bin dokuz yüz elli altı akçedir. Minhâ el-ihrâcât: Resm-i âdî 1.000 akçe Kalemiye-i kâtibiye 300 akçe Çukadâriye 150 akçe İhzâriye 120 akçe Harc-ı hüccet-i vesâyet 600 akçe Dellâliye-i eşyâ 700 akçe Kaydiye-i defter-i hüccet 60 akçe Yekûn: 2.930 akçe. Yalnız iki bin dokuz yüz otuz akçedir. Sahhe’l-bâkī li’t-taksîm beyne’l-verese: 37.026 akçe. Hissetü’z-zevci’l-mezbûr 9.256 akçe Hissetü’l-binti’l-mezbûre 18.513 akçe Hissetü’l-mezbûr İbrahim Efendi 9.256 akçe Kesr-i bâkī 1 akçe