Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 114 Hüküm no: 67 Orijinal metin no: [17b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yeniçeri mütekaidlerinden Hasan Odabaşı’ın terekesi Dergâh-ı Âlî -dâme mahfûfen bi’l-maʻâlî- yeniçerilerinin kırkıncı bölük mütekāʻidlerinden olup medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de el-Hâc Hüsrev Mahallesiʼnde sâkin iken bundan akdem vefât eden Hasan Odabaşı b. Abdullah’ın zâhirde zevce-i menkûha-i metrûkesi Zeyneb Hatun bt. Abdullah’dan gayrı vâris-i ma‘rûfu olmayıp terekesinin rub‘u zevcesi mezbûreye ve selâse-i erbâʻı cânib-i beytülmâla âid olmağın tâife-i mezbûrenin beytülmâlını kabza [18a] meʼmûr olan fahrü’l-akrân hâlâ mahmiye-i İstanbul’da yeniçeri beytülmâlı emîni Hüseyin Ağa b. Abdullah tarafından vekîl-i sâbitü’l-vekâlesi olup hâlâ beytülmâl nâzırı olan Hüseyin Ağa b. Ahmed ile zevcesi mezbûre Zeyneb Hatun taleb ve ma‘rifetleriyle tahrîr ve fürûht olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’s-sâlis aşer min-Rebî‘i’l-âhir li-sene semân ve hamsîn ve mi’e ve elf. Köhne minder, 2 300 akçe Beledî yasdık, 2 300 akçe Yemenî yorgan 300 akçe Köhne yorgan 129 akçe Yelek 92 akçe Köhne dolama, 1 60 akçe Köhne çakşır, 1 300 akçe Köhne gömlek, 1 152 akçe Leğen bâ-ibrik 120 akçe Tencere 122 akçe Def‘a tencere, 1 172 akçe Sahan 2, bâ-kapak 2 180 akçe Tâbe 24 akçe Sagīr güğüm 275 akçe Sagīr kazgan 420 akçe Kadayıf tepsisi, 1 120 akçe Köhne kadife yasdık yüzü, 3 400 akçe Kahve ibriği, 1 30 akçe Köhne destâr, 1 30 akçe Köhne yelek, 1 30 akçe Menzil der-mahalle-i mezbûr 16.800 akçe Cem‘an yekûn: 20.306 akçe. Yalnız yirmi bin üç yüz altı akçedir. Minhâ el-ihrâcât: Techîz ve tekfîn ve ıskāt-ı salât ber-mûceb-i defter 2.400 akçe Deyn-i müsbet-i mehr-i müeccel li’z-zevceti’l-mezbûre 1.550 akçe Deyn-i müsbet-i zevce-i mezbûre Zeyneb bâ-hüccet-i şer‘iyye 12.000 akçe Resm-i emîn-i beytülmâl 2.090 akçe Resm-i kısmet 523 akçe Kalemiye-i kâtib 120 akçe Çukadâriye 80 akçe İhzâriye 60 akçe Dellâliye-i eşyâ 400 akçe Kaydiye 30 akçe Düyûn-ı müteferrika ve harc-ı kâtibiye? 137 akçe Yekûn: 19.390 akçe. Yalnız on dokuz bin üç yüz doksan akçedir. Sahhe’l-bâkī: 916 akçe. Hissetü’z-zevceti’l-mezbûre 229 akçe Hisse-i beytülmâl 687 akçe