Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 116 Hüküm no: 69 Orijinal metin no: [18a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb Hatun’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de İslambey Mahallesiʼnde sâkine iken bundan akdem vefât eden Zeyneb Hatun bt. Abdullah’ın verâseti zevc-i metrûku Kayıkçı Hasan Beşe b. Hüseyin ile sadrî sagīr oğlu İsmail’e ve sadriye sagīre kızları Ümmügülsüm ve Âişe ve Hafize’ye münhasıra olduğu şer‘an zâhir ve müteʻayyen oldukdan sonra sagīrûn-ı mezbûrûnun babaları ve tesviye-i emirlerine kıbel-i şer‘den mansûb vasîleri olan mezbûr Hasan Beşe taleb ve ma‘rifetleriyle tahrîr ve takvîm olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’s-sânî min-Cemâziyelevvel li-sene semân ve hamsîn ve mi’e ve elf. Köhne gömlek, 1 120 akçe Köhne ferâce, 1 100 akçe Köhne anteri, 1 60 akçe Köhne serpûş ve makrame ve yemenî 120 akçe Kurâde tencere 90 akçe Minder, 1 120 akçe Köhne yorgan 60 akçe Köhne yasdık, 2 80 akçe Mehr-i müeccel der-zimmet-i zevcü’l-mezbûr 600 akçe Don, 1 60 akçe Cem‘an yekûn: 1.610 akçe. Yalnız bin altı yüz on akçedir. [18b] Minhâ el-mesârif: Resm-i âdî 40 akçe Kalemiye ve hüddâmiye 240 akçe Harc-ı vesâyet 90 akçe Kaydiye 9 akçe Mesârif-i lâzıme 30 akçe Yekûnü’l-mesârif: 193 akçe. Sahhe’l-bâkī li’t-taksîm beyne’l-verese: 1.417 akçe. Hissetü’z-zevci’l-mezbûr 354 akçe Hissetü’l-ibni’l-mezbûr 324 akçe Hissetü’l-binti’l-mezbûre 212 akçe Hissetü’l-binti’l-mezbûre 212 akçe Hissetü’l-binti’l-mezbûre 212 akçe Kesr-i bâkī 3