Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 131 Hüküm no: 85 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mevlânâ Mehmed Efendi’nin Havass-ı Refia kazası kısmet-i askeriyesine tayini Ba‘de’t-tahiyyeti’l-vâfiye inhâ olunur ki, izzet-meâb şerî‘at-nisâb fahrü’l-müderrisîni’l-kirâm Mevlânâ Mehmed Efendi kâm-yâb işbu sene semân ve hamsîn ve mi’e ve elf Recebi’l-ferdi gurresinden Havâss-ı Refîʻa kazâsının kısmet-i askeriyesi cenâbınıza tefvîz ve sipâriş olunmuşdur gerekdir ki kazâ-i mezkûrede vâki‘ mevtâ-yı askeriyenin terekesini tahrîr ve beyne’l-verese bi’l-farîzati’ş-şer‘iyye tevzî‘ ve esnâ-yı kısmette vâkıʻa ahkâm-ı şer‘iyyeyi istimâ‘ etmede saʻy ve ihtimâm ve dikkat-ı tâm edesiz ve’s-selâm. El-Fakīr Abdurrahman el-Kādı bi-asker-i Rumeli.