Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 138 Hüküm no: 93 Orijinal metin no: [23a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zal Paşa Medresesi’nde vefât eden Dergâh-ı Âlî yeniçerilerinden Hafız İbrahim Odabaşı’nın vârislerine taksim edilen terekesi Dergâh-ı âlî -dâme mahfûfen bi’l-maʻâlî- yeniçerilerinin yirmi altıncı cemâʻat odasının mütekāʻidlerinden olup medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Zal Paşa Medresesi’nde sâkin iken bundan akdem vefât eden Hâfız İbrahim Odabaşı b. Ali’nin zâhirde vâris-i ma‘rûfu olmamak zuʻmuyla mahmiye-i İstanbul’da hâlâ yeniçeri beytülmâlını kabza meʼmûr olan fahrü’l-akrân Hasan Ağa b. Abdullah tarafından vekîl-i sâbitü’l-vekâlesi olan beytülmâl nâzırı Hüseyin Ağa b. Ahmed müteveffâ-i mezbûrun terekesini bi’l-vekâle kabz ettikden sonra müteveffâ-i mezbûrun li-ebeveyn ammi oğlu olup mahmiye-i mezbûrda sâkin Ahmed Beşe b. el-Hâc Ahmed ile müteveffâ-i mezbûrun sülüs mâlını tenfîze ve vilâyet-i Anadolu’da Amasya kasabasında sâkine li-ebeveyn kız karındaşı Âişe Hatun’un hisse-i irsiyyesini ahz u kabz ve zabt u hıfza ve kendüye îsâle vasiyy-i muhtârı olduğunu vekîl-i mezbûr Hüseyin Ağa muvâcehesinde vech-i şer‘î üzere isbât eden İsmail Efendi b. Veli taleb ve ma‘rifetiyle tahrîr ve taksîm olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’r-râbiʻ aşer min-Recebi’l-ferd li-sene semân ve hamsîn ve mi’e ve elf. [23b] Köhne beylik, 1 180 akçe Köhne kilim, 1 120 akçe Köhne kebe, 1 100 akçe Yasdık, 1 60 akçe Köhne kaliçe seccâde, 1 300 akçe Köhne yorgan, 1 120 akçe Köhne çuval 22 akçe Köhne yağmurluk 250 akçe Yanbolu kebesi 220 akçe Köhne kürk 160 akçe Köhne kavuk, 1 80 akçe Köhne çarşeb, 1 120 akçe Köhne celâlî 40 akçe Köhne zıbın, 1 60 akçe Köhne alaca anteri, 1 190 akçe Köhne çakşır, 1 240 akçe Yeşil çuka nimten 380 akçe Mâî dolama, 1 420 akçe Köhne don ma‘a gömlek, 1 60 akçe Köhne boğça, 1 50 akçe Köhne destâr, 1 21 akçe Def‘a destâr, 1 240 akçe Kırmızı çuka biniş 560 akçe Alaca anteri 110 akçe Don, gömlek 80 akçe Def‘a don, gömlek, 1 80 akçe Köhne uçkur 30 akçe Hırdavât, 1 15 akçe Makrame, 3 120 akçe Destâr, 1 60 akçe Mest papuç, 1 150 akçe Köhne kılıç 30 akçe Hırdavât 80 akçe Evrâk-ı perîşan 40 akçe Fincan 18 akçe Köhne kuşak, 1 12 akçe Tarak 24 akçe Çizme 10 akçe Nakid der-kîse 18.240 akçe Cem‘an yekûn: 23.162. Yalnız yirmi üç bin yüz altmış iki akçedir. Minhâ el-ihrâcât: Techîz ve tekfîn 1.200 akçe Resm-i emîn-i beytülmâl 2.320 akçe Resm-i kısmet 590 akçe Kalemiye, kâtibiye 200 akçe Çukadâriye 120 akçe İhzâriye 80 akçe Kaydiye 30 akçe Dellâliye, dükkâniye, düyûn-ı müteferrika ve sâir mesârif 1.000 akçe Yekûn: 5.546 [akçe]. Sahhe’l-bâkī, meblağ: 17.616 [akçe]. Minhe’s-sülüs: 5.872 [akçe]. Sahhe’l-bâkī li’t-taksîm beyne’l-verese: 11.744 [akçe]. Hissetü uhtü’l-mezbûre 5.872 akçe Hissetü ibni’l-ammi’l-mezbûr 5.872 akçe