Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 147 Hüküm no: 103 Orijinal metin no: [25b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmenci tâifesinden Melkon’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de İskele başında değirmenci tâifesinden iken bundan akdem hâlik olan Melkon v. Melkon’un verâseti zevce-i metrûkesi Sima bt. Avanis ile sagīr oğulları Setrak ve Nehabet ve Manil ile sagīre kızı Mariya’ya münhasıra olduğu şer‘an zâhir ve müteʻayyen oldukdan sonra sıgār-ı mezbûrûnun anaları ve tesviye-i umûrlarına bâ-hüccet-i şer‘iyye vasîleri olan mezbûre Sima taleb ve ma‘rifetiyle tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’t-tâsiʻ ve’l-ışrîn min-Recebi’l-ferd li-sene semân ve hamsîn ve mi’e ve elf. Bârgir, 6 re’s 24.000 akçe Ustalar ma‘rifetleriyle hesâb görülüp hâsıl olan altı ayda fâiz 7.200 akçe Cem‘an yekûn: 31.200 akçe. Minhâ el-ihrâcât: Hâlik-i mezbûrun lâşesi ilkā-i hafr için masrûf 2.600 akçe Deyn-i müsbet-i Avanis bâ-hüccet-i şer‘iyye 14.400 akçe Resm-i kısmet 780 akçe Kalemiye-i kâtib 120 akçe [26a] Çukadâriye ve hüddâmiye 120 akçe Muhamminiye 120 akçe Harc-ı hüccet-i vasiyyet 300 akçe Kaydiye 30 akçe Cem‘an yekûn-ı ihrâcât: 18.410 akçe. Sahhe’l-bâkī li’t-taksîm beyne’l-verese: 12.790 akçe. Hissetü’z-zevceti’l-mezbûre 1.598 akçe Hissetü’l-ibni’l-mezbûr 3.196 akçe Hissetü’l-ibni’l-mezbûr 3.196 akçe Hissetü’l-ibni’l-mezbûr 3.196 akçe Hissetü’l-binti’l-mezbûre 1.598 akçe Kesr-i bâkī 6