Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 148 Hüküm no: 104 Orijinal metin no: [26a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmenci tâifesinden Melkon’un ölümüyle çocuklarına anneleri Sima bt. Avanis’in vasi tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de İskele başında Değirmenci tâifesinden iken bundan akdem hâlik olan Melkon v. Melkon’un sulbî sagīr oğulları Setrak ve Nehabet ve Manil ile sagīre kızı Mariya’nın tesviye-i emrlerine kıbel-i şer‘den bir vasî nasbı lâzım ve mühim olmağın emânet ile ma‘rûf her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sıgār-ı mezbûrûnun anaları işbu râfiʻatü’s-sifr Sima bt. Avanis’i hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sıgār-ı mezbûrûnun tesviye-i emrlerine vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımelerin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’t-tâsiʻ ve’l-ışrîn min-Recebi’l-ferd sene semân ve hamsîn ve mi’e ve elf. Şuhûdü’l-hâl: Es-Seyyid Mehmed b. es-Seyyid Mustafa, Ömer Çelebi b. Hasan, Ali b. Abdullah, es-Seyyid Ahmed b. es-Seyyid Mehmed, Mehmed Çelebi b. Abdullah. Papa Artin v. David, Artin v. Agop, Mircan v. Andon, Anbaros v. Agop, Sehak v. Vartan, Bedros v. Avanis, Bagdon? v. ( ) ve bihâ