Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 162 Hüküm no: 117 Orijinal metin no: [29b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vârisi olmaksızın vefât eden Osman Beşe’nin vasiyeti ve beytülmâla kalan terekesi Hurrire bi-ma‘rifeti men-aleyhi’l-iʻtimâd nemakahü’l-fakīr ileyhi azze şânühu Mehmed Necib el-müvellâ-hilâfeten bi-medîneti Ebî Eyyüb el-E[nsâ]rî -gufire lehû- Dergâh-ı âlî -dâme mahfûfen bi’l-maʻâlî- cebecilerinden olup medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Davud Ağa Mahallesiʼnde sâkin iken bundan akdem vefât eden Osman Beşe b. Abdullah’ın zâhirde vâris-i ma‘rûfu olmayıp terekesi cânib-i beytülmâla âid olmağla tâife-i mezbûrûnun bâ-hatt-ı hümâyûn-ı şevket-makrûn beytülmâlını kabza meʼmûr olup hâlâ mahmiye-i İstanbul’da yeniçeri beytülmâlını kabza meʼmûr olan fahrü’l-akrân Hasan Ağa b. Abdullah tarafından vekîl-i sâbitü’l-vekâlesi beytülmâl nâzırı Hüseyin Ağa b. Ahmed ile müteveffâ-i mezbûrun sülüsünü tenfîze bâ-hüccet-i şer‘iyye vasiyy-i muhtârı Mollâ Mustafa b. Osman taleb ve ma‘rifetleriyle tahrîr ve fürûht olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’t-tâsiʻ min-Recebi’l-ferd sene semân ve hamsîn ve mi’e ve elf. Siyah poşu, 1 240 akçe Köhne fes, 1 60 akçe Köhne yeşil biniş, 1 210 akçe Köhne destâr, 1 41 akçe Köhne gömlek, 1 20 akçe Köhne iç yemenî, 1 60 akçe Köhne yorgan, 1 120 akçe Köhne yasdık, 4 160 akçe Köhne çakşır, 1 300 akçe Köhne çuka dolama, 1 720 akçe Çuka biniş, 1 720 akçe Def‘a çuka biniş, 1 500 akçe Def‘a köhne destâ[r], 1 120 akçe Köhne zıbın, 1 30 akçe Tencere 120 akçe Def‘a tencere, 1 120 akçe Nısf kayık 6.000 akçe Def‘a köhne nısf kayık 3.000 akçe Der-zimmet-i Halil Beşe 3.240 akçe Der-zimmet-i Ali Beşe 3.240 akçe Bacaoğlu’ndan makbûz 1.080 akçe Kayık icâresinden makbûz 480 akçe Cem‘an yekûn: 20.581 akçe. Minhâ el-ihrâcât: Techîz ve tekfîn 1.440 akçe Deyn-i müsbet-i Mehmed Usta 3.000 akçe Deyn-i müsbet-i icâre-i kayık ve Bakkāl Mehmed Beşe 600 akçe Deyn-i müsbet-i Serpûşçu zimmî 720 akçe Resm-i emîn-i beytülmâl 2.050 akçe Resm-i kısmet 515 akçe Kalemiye-i kâtib 120 akçe Çukadâriye ve hüddâmiye 120 akçe Müjdegâne 300 akçe Dellâliye ve dükkâniye 650 akçe Kaydiye 30 akçe Sâir mesârif-i lâzıme 185 akçe Yekûnü’l-mesârif: 9.730. Yalnız dokuz bin yedi yüz otuz akçedir. Sahhe’l-bâkī: 10.850. Yalnız on bin sekiz yüz elli akçedir. Minhâ, meblağ: 3.916. Yalnız üç bin dokuz yüz on altı akçedir. Sahhe’l-bâkī bi-yedi emîni’l-mezbûr, meblağ: 6.934. Yalnız altı bin dokuz yüz otuz dört akçedir. Hurrire bi-ma‘ri[feti] men-aleyhi’l-iʻtimâd nemakahü’l-fakīr ileyhi azze şânühu Mehmed Necib el-müvellâ-hilâfeten bi-medîneti Ebî Eyyüb el-Ensârî -gufire lehû-