Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 185 Hüküm no: 137 Orijinal metin no: [35a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acem Seferi dönüşünde Gerede’de vefât eden Serdengeçdi Ağası es-Seyyid Mesud’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Defterdâr Kara Süleyman Mahallesi sâkinlerinden olup bu sene-i mübârekede Acem seferi avdetinde Gerede kasabasında vefât eden Serdengeçdi Ağası es-Seyyid Mesud b. el-Hâc Mustafa’nın verâseti zevce-i menkûha-i metrûkesi Emetullah Hatun bt. Süleyman ile vâlidesi Şerife Fâtıma Hatun bt. Veliyüddin’e ve sulbî sagīr oğlu es-Seyyid Mehmed Emin’e münhasıra olduğu şer‘an zâhir ve müteʻayyen oldukdan sonra sagīr-i mezbûrun ammisi ve tesviye-i umûruna bâ-hüccet-i şer‘iyye mansûb vasîsi olan es-Seyyid Mehmed Emin Ağa b. el-mezbûr Veli ile mezbûretân Emetullah ve Şerife Fâtıma Hatun taleb ve ma‘rifetleriyle tahrîr ve takvîm olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’t-tâsiʻ min-Şevvâli’l-mükerrem sene semân ve hamsîn ve mi’e ve elf. Sahan 5, kapak 5 700 akçe Tuç lengerî, 6 120 akçe Çorba tası, 2 240 akçe Tencere bâ-kapak, 2 400 akçe Maşraba, 1 150 akçe Kazgan 1.000 akçe Kavata leğen ve tas ve lengerî 150 akçe Köhne yasdık 240 akçe Yün keçe, 1 90 akçe Beyâz keçe, 1 200 akçe Döşek, 1 400 akçe Minder, 1 150 akçe Köhne çadır, 1 480 akçe Kavuk, 1 120 akçe Köhne destâ[r] 360 akçe Def‘a tencere bâ-kapak 300 akçe Peştahta, 1 120 akçe Köhne hasır, 1 120 akçe Gül ibrişim 60 akçe Gül fidanı, 220 fî: 8 1.760 akçe Beyâz salkım? 150 akçe Emrud ağacı 90 akçe Kahveci dükkânında olan âlât-ı attâr 2.000 akçe Müteveffâ-yı mezbûrun veresesine îsâle vasiyy-i muhtârı olan Bayrakdâr Mehmed Beşe yedinden makbûzu 18.840 akçe Maksud oğlu Terzi Ermeni yedinden makbûzu 2.400 akçe Cem‘an yekûn: 30.640 akçe. Minhâ el-ihrâcât: Deyn-i müsbet-i mehr-i müeccel bâ-hüccet-i şer‘iyye 6.000 akçe Deyn-i Bakkāl bi-ikrârı verese 600 akçe Deyn-i karındaşı es-Seyyid Mehmed Emin bi-ikrârı verese 930 akçe Deyn-i Ekmekçi zimmî ve kasab bi-ikrârı verese 390 akçe Deyn-i Kalu Yahûdi bi-ikrârı verese 840 akçe Deyn-i Bogasici bi-ikrârı verese 305 akçe Deyn-i Gedikçi bi-ikrârı verese 240 akçe Deyn-i diğer Bakkāl bi-ikrârı verese 370 akçe Deyn-i Çorbacı bi-ikrârı verese 450 akçe Resm-i âdî 770 akçe Kalemiye-i defter ve hücec 480 akçe Çukadâriye 180 akçe İhzâriye 120 akçe Dellâliye ve muhamminiye 150 akçe Harc-ı vesâyet ve ahz kabz hüccetlerine verilen 720 akçe Kaydiye 80 akçe Sahhe’l-bâkī li’t-taksîm beyne’l-verese: 18.015 akçe. Hissetü’z-zevceti’l-mezbûre 2.251 akçe Hissetü’l-ümmi’l-mezbûre 3.002 akçe Hissetü’l-ibni’l-mezbûr 12.762 akçe