Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 187 Hüküm no: 139 Orijinal metin no: [35a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Burgos kazasında vefât eden Feyzullah Çelebi’nin vârislerine taksim edilen terekesi Havâss-ı Refîʻa kazâsı muzâ[fâ]tından kasaba-i Hasköy’de Südlüce’de Mahmud Ağa Mahallesi sâkinlerinden olup vilâyet-i Rumeli’nde Burgos kazâsında vefât eden Feyzullah Çelebi b. Hasan’ın verâseti zevce-i merkuha-i metrûkesi Zeyneb Hatun bt. İsmail ile li-ebeveyn er karındaşı Mustafa’ya ve li-ebeveyn kız karındaşları Fâtıma ve Ümmügülsüm nâm hatunlara münhasıra olduğu şer‘an zâhir ve müteʻayyen oldukdan sonra zevce-i mezbûre Zeyneb Hatun tarafından vekîl-i sâbitü’l-vekâlesi olan vâlidesi Fâtıma Hatun bt. İbrahim ile mezbûretân Fâtıma ve Ümmügülsüm nâm hatunlar taleb ve ma‘rifetleriyle tahrîr ve takvîm olunan tereke-i müteveffâ-i mezbûrdur ki ber-vech-i âtî zikr olunur. Fi’l-yevmi’l-âşir min-Şevvâli’l-mükerrem sene semân ve hamsîn ve mi’e ve elf. [35b] Yeşil çuka biniş 1, nâfe kürk 2.400 akçe Barata, 1 185 akçe Çuka biniş, 1 720 akçe Yeşil çuka aşcı dolaması, 1 1.200 akçe Çuka çakşır 486 akçe Kutnî anteri, 1 443 akçe Köhne çakşır, 1 15 akçe Kalpak, 1 45 akçe Köhne tüfenk, kuşak 1 45 akçe Köhne gömlek, 1 210 akçe Köhne pâre çuka cübbe 150 akçe Def‘a köhne çuka cübbe, 1 183 akçe Köhne anteri, 1 180 akçe Köhne beyâz dîmî 150 akçe Köhne uçkur, 1 15 akçe Köhne don ma‘a zıbın 15 akçe Def‘a köhne don, 2 30 akçe Al yemenî, 1 21 akçe Yağlık 93 akçe Köhne destâ[r], 1 110 akçe Def‘a köhne destâ[r], 1 180 akçe Köhne duhân kebesi 210 akçe Abdest makramesi 24 akçe Yeşil çuka, köhne dolama 1 243 akçe Câr kuşak, 1 320 akçe Eğer hâşesi, 1 150 akçe Def‘a köhne hâşe, 1 30 akçe Hırdavât 6 akçe Satır 35 akçe Tüfenk, 1 1.200 akçe Def‘a tüfenk, 1 541 akçe Aşcı bıçağı, 1 80 akçe Kamçı ma‘a tapkur 15 akçe Sagīr tencere bâ-kapak 96 akçe Kahve ibriği 30 akçe Köhne çizme ma‘a palaska 39 akçe Piştov, 1 çift 1.500 akçe Köhne heybe, 1 15 akçe Bârgir 3.000 akçe Çuka biniş, 1 286 akçe Eğer ma‘a üzengi 240 akçe Aba yağmurluk, 1 132 akçe Anteri, 1 150 akçe Cem‘an yekûn: 15.120 akçe. Minhâ el-ihrâcât: Sâlifü’z-zikr Burgos kazâsına müteveffâ-i mezbûrun techîz ve tekfîn ve dîvân için verese-i mezbûrânın rızâlarıyla verdikleri 4.930 akçe Deyn-i müsbet-i mehr-i müeccel li’z-zevceti’l-mezbûre 6.000 akçe Resm-i âdî 380 akçe Kalemiye-i kâtib 180 akçe Çukadâriye 120 akçe İhzâriye 90 akçe Dellâliye ve dükkâniye 360 akçe Kaydiye-i defter 20 akçe Sâir mesârif 80 akçe Yekûn: 12.200 akçe. On iki bin iki yüz akçedir. Sahhe’l-bâkī li’t-taksîm beyne’l-verese: 2.920 akçe. Hissetü’z-zevceti’l-mezbûre 730 akçe Hissetü’l-ahi’l-mezbûr 1.095 akçe Hissetü’l-uhtü’l-mezbûre 547 akçe Hissetü’l-uhtü’l-mezbûre 547 akçe Kesr-i bâkī 1