Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 219 Hüküm no: 168 Orijinal metin no: [43a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Kerime Hatun’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Zal Paşa Mahallesiʼnde sâkine iken bundan akdem vefât eden Şerife Kerime Hatun bt. İbrahim’in verâseti zevc-i metrûku Abdurrahim Efendi b. Hüseyin ile li-ebeveyn kız karındaşı Şerife Hadice Hatun’a ve vilâyet-i Anadolu’da Zağferanbolu kazâsına tâbi‘ Gomar? karyesinde sâkine vâlidesi Şerife Fâtıma Hatun’a ve li-ebeveyn kız karındaşları Şerife Âişe ve Şerife Rahime nâm hatunlara ve li-ebeveyn er karındaşı es-Seyyid Mehmed’e münhasıra olduğu şer‘an zâhir ve müteʻayyen oldukdan sonra mezbûrât Şerife Fâtıma ve Şerife Âişe ve Şerife Rahime ve es-Seyyid Mehmed’in hisse-i irsiyyelerini ahz u kabz zabt u hıfza [43b] kıbel-i şer‘den vasî ve kayyım nasb olunan el-Hâc Süleyman b. Ali ile zevc-i mezbûr Abdurrahim Efendi taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’s-sâdis aşer min-Zilkaʻdeti’ş-şerîfe sene semân ve hamsîn ve mi’e ve elf. Çatma yasdık, 6 3.600 akçe Alaca baş yasdığı, 1 240 akçe Minder, 2 800 akçe Köhne orta keçesi ma‘a yan keçesi, 1 1.200 akçe Yemenî makʻad, 3 420 akçe Beledî döşek, 1 480 akçe Yemenî yorgan ma‘a çarşeb, 3 1.080 akçe Hamam rahtı 300 akçe Çözme çarşeb, 1 200 akçe Gömlek, 2 340 akçe Uçkur 15 akçe Baş yemenîsi ma‘a kaş basdı 240 akçe Kaliçe seccâde, 1 480 akçe Leğen ma‘a ibrik 480 akçe Hoşab tası, 1 180 akçe Tencere bâ-kapak, 2 480 akçe Tâbe 90 akçe Kahve tepsisi ma‘a şamʻdân 60 akçe Sahan, 3 360 akçe Def‘a kahve tepsisi, 2 120 akçe Lengerî, 1 20 akçe Sini, 1 900 akçe İskemle ma‘a ferrâş 45 akçe Sepet sandığı, 1 120 akçe Sim kuşak 240 akçe İblik zerʻ 150 akçe Sim yüzük 30 akçe Köhne alaca anteri, 1 180 akçe Çuka sincab kürk, 1 1.000 akçe Şalî anteri, 1 720 akçe Beşmi? şevar, 1 180 akçe Telli hatâî anteri, 1 300 akçe Havlu makrame, 1 40 akçe Hamam gömleği ma‘a boğça 150 akçe Yaşmak ma‘a makrame 150 akçe Def‘a köhne yaşmak, 1 40 akçe Boğça, 1 45 akçe Yağlık, 1 41 akçe Def‘a yağlık, 1 50 akçe Çekme, 3 360 akçe Köhne çuka cübbe, 1 120 akçe Köhne kürk, 1 30 akçe Beyâz bogasi cübbe, 1 30 akçe Yüz yasdığı, 1 90 akçe Mest 15 akçe İşleme uçkur, 1 60 akçe Dokuma aş makramesi, 1 120 akçe Dokuma peşkir ma‘a sofra 180 akçe Bez parçası, 1 60 akçe Çuka ferâce, 1 1.440 akçe Pirinç bilezik, 1 240 akçe Def‘a sim kuşak 600 akçe Mehr-i müeccel der-zimmet-i zevcü’l-mezbûr 2.400 akçe Cem‘an yekûn: 21.311 akçe. Yalnız yirmi bir bin üç yüz on bir akçedir. Minhâ el-ihrâcât: Resm-i âdî 533 akçe Kalemiye-i kâtib 120 akçe Çukadâriye ve ihzâriye 120 akçe Harc-ı hüccet-i vesâyet 240 akçe Muhamminiye-i eşyâ 83 akçe Kaydiye-i defter 30 akçe Yekûn: 1.125 akçe. Yalnız bin yüz yirmi beş akçedir. Sahhe’l-bâkī li’t-taksîm beyne’l-verese: Hissetü’z-zevci’l-mezbûr 10.093 akçe Hissetü’l-ümmi’l-mezbûre 3.531 akçe Hissetü’l-ahi’l-mezbûr 2.624 akçe Hissetü’l-uhtü’l-mezbûre 1.312 akçe Hissetü’l-uhtü’l-mezbûre 1.312 akçe Hissetü’l-uhtü’l-mezbûre 1.312 akçe Kesr-i bâkī 2