Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 236 Hüküm no: 185 Orijinal metin no: [46b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalaycı Ali Çelebi’nin vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Davud Ağa Mahallesiʼnde sâkin iken bundan akdem vefât eden Kalaycı Ali Çelebi b. Mustafa’nın verâseti zevce-i menkûha-i metrûkesi Râbia Hatun bt. Ahmed ile Mısr-ı Kahire’de sâkin li-ebeveyn er karındaşı Ahmed Beşe’ye münhasıra olduğu şer‘an zâhir ve müteʻayyen oldukdan sonra mezbûr Ahmed Beşe’nin tarafından bâ-hüccet-i şer‘iyye vekîli olan Mehmed Çelebi b. Abidin ile mezbûre Râbia Hatun taleb ve ma‘rifetleriyle tahrîr olunan tereke-i müteveffâ-i mezbûrun terekesidir ki ber-vech-i âtî zikr olunur. Fi’l-yevmi’s-sâbiʻ min-Zilhicceti’ş-şerîfe li-sene semân ve hamsîn ve mi’e ve elf. Çuka, 1 270 akçe Çakşır, 1 300 akçe Köhne dolama, 1 495 akçe Köhne destâr, 1 60 akçe Def‘a destâr, 1 135 akçe Güğüm, 1 450 akçe Kalaycı dükkânında olan âlât 2.330 akçe Cem‘an yekûn: 4.040 akçe. Minhâ el-ihrâcât: Techîz ve tekfîn ve ıskāt-ı salât 2.240 akçe Resm-i âdî 100 akçe Kalemiye ve hüddâmiye ve kaydiye 45 akçe Yekûnü’l-mesârif: 2.385 akçe. Sahhe’l-bâkī li’t-taksîm beyne’l-verese: 1.655 akçe. Yalnız bin altı yüz elli beş akçedir. Hissetü’z-zevceti’l-mezbûre 413 akçe Hissetü ehi’l-mezbûr Ahmed 1.242 akçe