Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 245 Hüküm no: 194 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yamandi v. Duka’nın vârislerine taksim edilen terekesi Havâss-ı Refîʻa kazâsına tâbi‘ Avas karyesinde mütemekkin iken bundan akdem hâlik olan Yamandi v. Duka’nın verâseti zevce-i metrûkesi Marye bt. Köri nâm Nasrâniye ile sulbiye kebîre kızı Zafirce ve li-ebeveyn er karındaşları Yano ve Anaştaş ve Kosta nâm zimmîlere ve li-ebeveyn kız karındaşı Seltane nâm Nasrâniye’ye münhasıra olduğu şer‘an zâhir ve müteʻayyen oldukdan sonra mesfûrûn Marye ve Zafirce ve Yano ve Anaştaş ve Kosta ve Seltane taleb ve ma‘rifetleriyle tahrîr ve takvîm ve taksîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’r-râbiʻ aşer min-Zilhicceti’ş-şerîfe sene semân ve hamsîn ve mi’e ve elf. Sim kandil, 1 3.000 akçe Gülbeşeker tabağı, 1 360 akçe Ayaklı sim tepsi, 1 5.805 akçe Sim zarf, 9 1.890 akçe [49a] Simlice kılıç, 1 6.000 akçe Sim topuz, 1 1.200 akçe Piştov, 1 çift 600 akçe Hâre kaftan, 1 1.000 akçe Yalancı kākum kürk, 1 1.560 akçe Mor çuka nâfe kürk, 1 3.600 akçe Def‘a mâî çuka nâfe kürk, 1 1.800 akçe Kemerbend kuşak, 2 2.400 akçe Köhne kaput 1, sâir çuka biniş 720 akçe Köhne çakşır ma‘a anteri, 1 360 akçe Çuka çakşır, 1 480 akçe Kalpak, 1 120 akçe Evânî-i nuhâs 2.000 akçe Kilim, 4 720 akçe Fıçı, 2 240 akçe Laza 600 akçe Hâre ma‘a dizlik?, 3 180 akçe Eğer ma‘a futa, 4 360 akçe Hâm sirke, 100 müdre, fî: 30 3.000 akçe Def‘a çakşır, 1 360 akçe Menzil der-karye-i mezbûr ber-vech-i tahmîn 60.000 akçe Bağ der-karye-i mezbûr ber-vech-i tahmîn, 14 dönüm 18.000 akçe Cem‘an yekûn: 116.355 akçe. Yalnız bir yük on altı bin üç yüz elli beş akçedir. #&# Minhâ el-ihrâcât: #&# Hâlik-i mezbûr lâşesini ilkā-i hafr için verese-i mezbûrûnun masrûfudur 12.000 akçe Deyn-i Orete bi-ikrârı verese 14.000 akçe Deyn-i Sarraf Avas Ermeni bi-ikrârı verese 12.000 akçe Hâlik-i mezbûrun düyûn-ı müteferrikası için verese-i mezbûrâtın verdikleri 8.021 akçe Resm-i âdî 2.909 akçe Karye-i mezbûra giden kâtibe ücret ve kalemiye 1.700 akçe Çukadâriye 400 akçe İhzâriye 300 akçe Ücret-i bârgir 450 akçe Muhamminiye-i eşyâ 720 akçe Sâir mesârif-i lâzıme 480 akçe Kaydiye-i defter 120 akçe Yekûn: 52.100 akçe. Yalnız elli iki bin yüz akçedir. Sahhe’l-bâkī li’t-taksîm beyne’l-verese: 64.255 akçe. Hissetü’z-zevceti’l-mezbûre 8.041 akçe Hissetü’l-binti’l-mezbûre 33.127 akçe Hissetü’l-ahi’l-mezbûre 6.882 akçe Hissetü’l-ahi’l-mezbûre 6.882 akçe Hissetü’l-ahi’l-mezbûre 6.882 akçe Hissetü’l-uhtü’l-mezbûr 3.441 akçe