Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 248 Hüküm no: 197 Orijinal metin no: [49b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kara Hasanoğlu bahçesinde kiracı olan Nilo v. Kino’nun vârislerine taksim edilen terekesi Havâss-ı Refîʻa kazâsından olup Yenikapı hâricinde vâki‘ Kara Hasanoğlu demekle ma‘rûf bağçede müstecir iken bundan akdem hâlik olan Nilo v. Kino nâm zimmînin sulbî kebîr oğulları Liko ve Kino nâm zimmîler taleb ve ma‘rifetleriyle tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’l-hâmis aşer min-Zilhicceti’ş-şerîfe sene semân ve hamsîn ve mi’e ve elf. Bağçe-i mezbûrede magrûs eşcârdan nısf hisse 10.000 akçe Bağçe-i mezbûrede magrûs sebzevât ve gübreden nısf [hisse] 6.000 akçe Bârgir ve eşek ve tencere ve sâir âlât-ı bostanın nısf hissesi 955 akçe Cem‘an yekûn: 16.955 akçe. [50a] Minhâ el-mesârif: Hâlik-i mezbûrun lâşesini ilkā-i hafr için masrûf 1.200 akçe Tahlîs-i beytülmâl 800 akçe Resm-i âdî 423 akçe Kalemiye-i kâtib 120 akçe Çukadâriye ve hüddâmiye 90 akçe Kaydiye 15 akçe Sahhe’l-bâkī li’t-taksîm beyne’l-verese: 14.307 akçe. Yalnız on dört bin üç yüz yedi akçedir. Hissetü’l-ibni’l-mezbûr 7.153 akçe Hissetü’l-ibni’l-mezbûr 7.153 akçe Kesr-i bâkī 1