Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 253 Hüküm no: 204 Orijinal metin no: [51a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Asılarak ölen Zano v. Tanaş’ın vârislerine taksim edilen terekesi Havâss-ı Refîʻa kazâsına tâbi‘ Litros karyesinde mütemekkin iken bundan akdem maslûben hâlik olan Zano v. Tanaş nâm zimmînin verâseti vilâyet-i Rumeli’nde Avlonya sancağında Premedi kazâsına tâbi‘ Barmas? nâm karyede mütemekkine zevce-i metrûkesi Oliv? bt. Yano nâm Nasrâniye ile sulbî sagīr oğlu Zato ve sulbiye kızları Sano ve Sotine’ye münhasıra olduğu şer‘an zâhir ve müteʻayyen oldukdan sonra mezbûrûnun hisse-i irsiyyelerini ahz u kabz ve zabt u hıfza ve kendülere îsâle kıbel-i şer‘den bâ-hüccet-i şer‘iyye vasî ve kayyım nasb olunan Kika v. Yani nâm zimmî taleb ve ma‘rifetiyle tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’s-sânî aşer min-Muharremi’l-harâm sene tisʻa ve hamsîn ve mi’e ve elf. Cedîd çizme, 1 çift 120 akçe Bir mikdâr çarık 60 akçe Köhne fener, 1 80 akçe Tuç sahan, 4 120 akçe Tencere, 8 1.200 akçe Kahve ibriği, 1 60 akçe Tahra, 3 30 akçe Palaska, 1 20 akçe Tapkur kolanı, 2 40 akçe Kalçın, 1 çift 24 akçe Kalar? kumkuma, 1 30 akçe Bir mikdâr mismâr 15 akçe Def‘a köhne palaska, 1 30 akçe Köhne dîmî, 2 40 akçe Çuval, 1 20 akçe Çubuk üzengi, 1 çift 10 akçe Bıçak, 1 15 akçe Tâbe ma‘a kıl kuldan 60 akçe Sagīr kazgan, 1 360 akçe Köhne yorgan, 3 120 akçe Ham sirke, 100 müdre fî: 30 3.000 akçe Arak, 100 kıyye 1.000 akçe Fıçı, 8 400 akçe Semer ma‘a boğanı 120 akçe Bel 2, laza-i kebîr 2, ma‘a sagīr laza 1 800 akçe Fıçı 4, ma‘a futa 4 120 akçe Aba yağmurluk, 1 240 akçe Köhne minder 150 akçe Bir mikdâr kömür 120 akçe Saçayak, 8 100 akçe Kebab şişi ma‘a tâbe, 6 150 akçe Aba şalvar, 1 45 akçe Kıl heybe, 1 15 akçe Def‘a sagīr kazgan, 1 200 akçe Sagīr yasdık, 2 60 akçe Bir mikdâr hatab 300 akçe Âlât-ı dükkân 400 akçe Cem‘an yekûn: 9.684 akçe. Minhâ el-ihrâcât: Resm-i âdî 243 akçe Karye-i mezbûra giden kâtibe ücret ve kalemiye 120 akçe Çukadâriye 90 akçe İhzâriye 75 akçe Harc-ı hüccet-i vesâyet 240 akçe Ücret-i bârgir 120 akçe Kaydiye-i defter ve hüccet-i vasî 45 akçe Muhamminiye-i eşyâ 120 akçe Düyûn-ı müteferrika ve sâir mesârif 327 akçe Yekûnü’l-mesârif: 1.380 akçe. Sahhe’l-bâkī li’t-taksîm beyne’l-verese: 8.304 akçe. Hissetü’z-zevceti’l-mezbûr 1.038 akçe Hissetü’l-ibni’l-mezbûr 3.633 akçe Hissetü’l-binti’l-mezbûre 1.816 akçe Hissetü’l-binti’l-mezbûre 1.816 akçe