Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 264 Hüküm no: 214 Orijinal metin no: [53b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kika v. Dimitri’nin vârislerine taksim edilen terekesi Havâss-ı Refîʻa kazâsına tâbi‘ Litros karyesinde mütemekkin iken bundan akdem hâlik olan Kika v. Dimitri’nin verâseti vilâyet-i Rumeli’nde Ohri kazâsına tâbi‘ Planiçe nâm karyede mütemekkine zevce-i metrûkesi Bişo? bt. Yuvan nâm Nasrâniye ile sulbî kebîr oğlu Dimitri nâm zimmîye münhasıra olduğu şer‘an zâhir ve müteʻayyen oldukdan sonra mezbûre Bişo? nâm Nasrâniye’nin hisse-i irsiyyesini ahz u kabz ve zabt u hıfza kıbel-i şer‘den vasî ve kayyım nasb olunan oğlu mezbûr Dimitri zimmî taleb ve ma‘rifetiyle tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’l-hâmis aşer min-Muharremi’l-harâm sene tisʻa ve hamsîn ve mi’e ve elf. Karye-i mezbûrede vâki‘ bakkāl Viko zimmetinde hâlik-i mezbûrun sermâyesi 6.000 akçe Karye-i mezbûre hudûdu dâhilinde vâki‘ sekiz dönüm mikdârı kürûmî mülk bağdan hâlik-i mezbûrun hissesi 3.000 akçe Cem‘an yekûn: 9.000 akçe. Yalnız dokuz bin akçedir. Minhâ el-ihrâcât: Resm-i âdî 225 akçe Kalemiye 90 akçe Çukadâriye 60 akçe İhzâriye 45 akçe Harc-ı vesâyet 180 akçe Muhamminiye ve ücret-i bârgir 60 akçe Kaydiye 12 akçe Sâir mesârif-i lâzıme 15 akçe Yekûn: 687 akçe. Sahhe’l-bâkī li’t-taksîm beyne’l-verese: 8.313 akçe. Hissetü’z-zevceti’l-mezbûre 1.039 akçe Hissetü’l-ibni’l-mezbûr 7.274 akçe