Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 265 Hüküm no: 215 Orijinal metin no: [53b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kara Mustafa Paşa Bahçesi’nde ölen Bahçıvan Kirkor’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Topkapısı hâricinde vâki‘ Kara Mustafa Paşa Bağçesi demekle ma‘rûf bağçede mütemekkin iken bundan akdem hâlik olan bağçevân Kirkor v. Nikola nâm zimmînin verâseti vilâyet-i Rumeli’nde Premedi kazâsına tâbi‘ Ogodine karyesinde mütemekkine zevce-i metrûkesi Göle? bt. Hıristo nâm Nasrâniye ile sulbî kebîr oğulları İşbo, Nikola ve Gercisi nâm zimmîlere münhasıra olduğu şer‘an zâhir ve müteʻayyen oldukdan sonra mezbûre Göle? nâm Nasrâniye hisse-i irsiyyesini ahz u kabz ve hıfza ve kendüye îsâle vasiyy-i muhtârı olan mesfûr İşbo nâm zimmî ile mesfûrân Nikola ve Gercisi nâm zimmîler ve sâir ustalar ma‘rifetleriyle tahrîr ve takvîm olunan hâlik-i mezbûrun sebzevât ve eşcâr ve âlât-ı bostanîdir ki ber-vech-i âtî zikr olunur. Fi’l-yevmi’s-sânî ve’l-ışrîn min-Muharremi’l-harâm sene tisʻa ve hamsîn ve mi’e ve elf. Soğan fidanı, 8 tahta 500 akçe İsfenah, 2 tahta 400 akçe Salata, nısf tahta 60 akçe Enginar, 2 tahta 5.000 akçe Mezrû‘ şa‘îr, 2 tahta 1.500 akçe Marul, nısf tahta 750 akçe Def‘a körpe enginar, 1 tahta 250 akçe Gübre?, tahta 2.000 akçe Mağrûs eşcâr-ı mütenevviʻa, 3 300 akçe Sarımsak, nısf tahta 100 akçe Miʻde-nüvas 300 akçe Şalgam, 1 tahta 500 akçe Lahana, 1 tahta 1.150 akçe Pırasa, 7 tahta 720 akçe Bel, 3 180 akçe Çapa kebîr ve sagīr, 4 230 akçe Balta ve keser kıymeti 30 akçe Tencere semeni 75 akçe Tâbe semeni 30 akçe Pırasa tohumu semeni 30 akçe Bârgir semeni 900 akçe Hımâr semeni 480 akçe Hırdavât-ı oda 150 akçe Cem‘an yekûn: 15.635 akçe. [54a] Minhâ el-mesârif: Hâlik-i mezbûrun lâşesini zîr-i hâke ilkā-i hafr için masrûf 1.000 akçe Resm-i âdî 400 akçe Kalemiye-i kâtib 12 akçe Çukadâriye ve hüddâmiye 120 akçe Muhamminiye ve sâir mesârif 315 akçe Kaydiye 30 akçe Yekûnü’l-mesârif: 1.885 akçe. Sahhe’l-bâkī li’t-taksîm beyne’l-verese: 13.750 akçe. Hissetü’z-zevceti’l-mezbûre 1.718 akçe Hissetü’l-ibni’l-mezbûr 4.010 akçe Hissetü’l-ibni’l-mezbûr 4.010 akçe Hissetü’l-ibni’l-mezbûr 4.010 akçe Kesr-i bâkī 2