Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 269 Hüküm no: 218 Orijinal metin no: [54b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peyk Ahmed Ağa Bostanı’nda kiracı olan Dimo ile ölen ortağı Yani’nin terekeleri Vilâyet-i Rumeli’nde Kerpiniş kazâsına tâbi‘ Preştova nâm karye ahâlîsinden olup Havâss-ı Aliyye kazâsına tâbi‘ Amindos karyesinde Peyk Ahmed Ağa Bostanı’nda müstecir[en] mütemekkin olup ber-vech-i âtî bağçe-i mezbûrun rub‘ hissesini iddiʻâ eden Dimo v. Yorgi zimmî ile selâse-i erbâʻ hissesine mezbûr Dimo ile iştirâken mutasarrıf iken bundan akdem hâlik olan zikr olunan Preştova ahâlîsinden Yani v. Asanetri? nâm zimmetinde [zimmînin] zâhirde vâris-i ma‘rûf ve ma‘rûfesi olmayıp terekesi beytülmâla âid ve râciʻ olmağla karye-i mezbûrede beytülmâl kabzına meʼmûr olan Mehmed Ağa b. Mustafa ile merkūm Dimo talebleriyle tahrîr ve bostan-ı merkūmda hâlik olan merkūm Yani’nin ve mezbûr Dimo’nun terekeleri defteridir ki ber-vech-i âtî zikr olunur. Fi’l-yevmi’s-sâmin ve’l-ışrîn min-Muharremi’l-harâm sene tisʻa ve hamsîn ve mi’e ve elf. Öküz, çift 4.800 akçe Bârgir yağır donlu, re’s 1.800 akçe Bârgir al donlu, re’s 1.800 akçe Der-anbar buğday, 30 keyl fî: 60 1.800 akçe Der-anbar çavdar, 3 keyl fî: 40 120 akçe Mezrû‘ hınta, 15 keyl fî: 360 5.400 akçe Alef, 10 keyl fî: 180 1.800 akçe Şa‘îr, 10 keyl fî: 180 1.800 akçe Tencere ma‘a kapak, 1 360 akçe Kilim, 1 480 akçe Anbâr, 2 240 akçe Fıçı, 1 60 akçe Mezrû‘ enginar 1.200 akçe Kîle damgalı, 2 120 akçe Kantar, 1 120 akçe Hırdavât 480 akçe Çapa 9 akçe Düğen, 2 60 akçe Saman, 2 kantar fî: 300 600 akçe Saban, 1 30 akçe Kebe köhne, 1 60 akçe Çuval, 4 120 akçe Tavuk, 20 fî: 15 300 akçe Fıçı memlû turşu, 1 120 akçe Bel, 1 120 akçe Fıçı, 1 60 akçe Araba, 1 240 akçe Hamur teknesi, 1 120 akçe Bostan-ı merkūmda gedik tâʻbir olunur âlât-ı lâzıme 18.000 akçe Cem‘an yekûn: 42.300 akçe. [55a] Şirket iddiʻâ eden Dimo zimmînin müsbet olan rub‘ hisse kıymeti: 10.575 akçe. Sahhe’l-bâkī tereke-i hâlik-i mesfûrun selâse-i erbâʻ hissesi kıymetidir, zikr olunur: 31.725 akçe. Minhâ el-ihrâcât: Resm-i âdî 750 akçe Kalemiye 180 akçe Çukadâriye 120 akçe İhzâriye 60 akçe Kaydiye 30 akçe Muhammine ücret-i bârgir 1.200 akçe Ücret-i bârgir 180 akçe Mesârif-i lâzıme 800 akçe Harc-ı hüccet ma‘a kalemiye, vasî, kayyım 800 akçe Berây-ı vasiyyet hafriye ve papaslara 3.600 akçe Cem‘an yekûn: 9.289 [akçe]. Sahhe’l-bâkī: 22.436. Ba‘de vasî ve kayyım-ı mezbûr Dimo’ya teslîm olunan yalnız yirmi iki bin dört yüz otuz altı akçedir.