Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 275 Hüküm no: 224 Orijinal metin no: [56a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un tek vârisi olan torunu Emine bt. Ali’ye intikal eden terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Otakçıbaşı Mahallesiʼnde sâkine iken bundan akdem vefât eden Hadice bt. Abdullah’ın verâseti oğlu kızı Emine bt. Ali nâm sagīreye münhasıra olduğu şer‘an zâhir ve müteʻayyen oldukdan sonra sagīre-i mezbûrenin vâlidesi ve tesviye-i umûruna kıbel-i şer‘den mansûbe vasiyyesi olan Âişe Hatun bt. Mehmed taleb ve ma‘rifetiyle tahrîr ve takvîm olunan tereke-i müteveffât-ı mezbûr[e]dir ki ber-vech-i âtî zikr olunur. Fi’l-yevmi’l-âşir min-Saferi’l-hayr li-sene tisʻa ve hamsîn ve mi’e ve elf. Yemenî yasdık, 7 840 akçe Sagīr minder, 3 500 akçe Köhne yan keçesi ve silk ve orta kilim 240 akçe Köhne Yanbolu kebesi, 1 300 akçe Köhne halı seccâde, 1 60 akçe Köhne yorgan ve çarşeb 120 akçe Baş yasdığı, 1 9 akçe Beledî döşek, 1 480 akçe Köhne gömlek, 1 60 akçe Köhne yüz yasdığı 20 akçe Köhne boğça 2, yüz yasdığı 2 20 akçe Köhne don, 3 15 akçe Köhne bogasi kürk, 1 30 akçe Köhne anteri kutnî 60 akçe Def‘a köhne gömlek, 1 60 akçe Köhne çarşeb, 1 90 akçe Peştemâl ma‘a serpûş ve hırdavât 30 akçe Sepet sandık, 1 45 akçe Leğen bâ-ibrik 240 akçe Köhne yemenî yorgan, 1 240 akçe Orta şâhî köhne yorgan 240 akçe Sepet sandık, 1 60 akçe Bez tarakları, 3 20 akçe [56b] Edik, papuç ve köhne ferâce ve köhne paşmak 180 akçe Sagīr sini, 1 150 akçe Tas, 1 60 akçe Sahan 5 ve sagīr len[gerî] 1 300 akçe Kefkir ma‘a kefçe 45 akçe Hamam tası, 1 30 akçe Kahve ibriği ma‘a şamʻdân 30 akçe Tencere bâ-kapak, 3 480 akçe Tâbe 90 akçe İnci kuşak 760 akçe Cem‘an yekûn: 6.000. Yalnız altı bin akçedir. Minhâ el-ihrâcât: Techîz ve tekfîn ve ıskāt-ı salât ve eyyâm-ı mu‘tâd tabh-ı taʻâm ber-mûceb-i vasiyyet 2.000 akçe Resm-i âdî 150 akçe Kalemiye-i kâtib 60 akçe Çukadâriye ve hüddâmiye 45 akçe Harc-ı vasiyyet 120 akçe Muhamminiye ve sâir mesârif 170 akçe Kaydiye-i defter 15 akçe Yekûnü’l-mesârif: 2.560 akçe. Sahhe’l-bâkī, meblağ: 3.440 [akçe]. Sagīre-i mezbûrenin hissesi yalnız üç [bin] dört yüz kırk akçedir.