Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 287 Hüküm no: 235 Orijinal metin no: [59a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un vârisi olan kardeşi Ali’ye kalan terekesi Said Efendi’ye tahrîr. Medîne-i Hazret-i Ebî Eyyüb el-Ensârî -radiye anhu rabbihi’l-bârî-’de Servi Mahallesiʼnde sâkine iken bundan akdem vefât eden Fâtıma Hatun bt. Mustafa’nın verâseti li-ebeveyn er karındaşı Ali [b.] Mustafa’ya isâbeti tahakkukundan sonra karındaşı mezbûr mevcûd olmamağla terekesinin sülüsü ahz u kabza ve vesâyâsının icrâ ve tenfîzine ve sülüsân terekesini bâ-defter-i kassâm karındaşı mezbûra irsâl ve îsâle vasiyy-i muhtâr nasb u ta‘yîn eylediği Mehmed Çelebi b. Mustafa taleb ve ma‘rifetiyle müteveffât-ı mezbûr[e] Fâtıma terekesi defteridir ki ber-vech-i âtî zikr olunur. Fi’l-yevmi’s-sâbiʻ ve’l-ışrîn min-Saferi’l-hayr sene tisʻa ve hamsîn ve mi’e ve elf. #&# Beledî yasdık köhne, 4 400 akçe Yemenî yasdık köhne, 4 400 akçe Tencere kebîr, 1 400 akçe Seccâde, 1 150 akçe Beylik-i mâî, 2 400 akçe Yorgan, 1 240 akçe Köhne yorgan, 2 240 akçe Yorgan çarşeb 90 akçe Tâbe 120 akçe Yemenî yorgan, 1 200 akçe Minder, 4 1.400 akçe Köhne minder küçük, 2 120 akçe Kürk 800 meblağ Yorgan şiltesi, 1 90 meblağ Döşek, 1 600 akçe Köhne anteri, 1 100 meblağ Köhne kürk, 1 200 meblağ Şilte kırmızı, 1 150 meblağ Müsta‘mel gömlek, 1 80 meblağ Köhne baş yasdığı 30 meblağ Boğça 30 meblağ Yanbolu kebesi, 1 200 meblağ Keremsûd anteri çiçekli ve telli, 1 500 akçe Beylik-i mâî, 1 120 meblağ Tandır ma‘a köhne, 1 90 meblağ Müsta‘mel orta ve yan keçe 400 meblağ Boğça 40 meblağ Haleb alacası anteri 150 akçe Haliçe seccâde, 1 150 meblağ Don 60 akçe Kapı perdesi çuka, 1 200 akçe Çarşeb, 1 160 meblağ Don, 2 60 meblağ Hamam gömleği 150 akçe Çarşeb 120 akçe Peşküli 120 akçe Leğen ma‘a ibrik 240 akçe Şamʻdân 60 akçe Mantarî ve yemenî boğça 80 akçe Sini 300 meblağ Beyâz zıbın 50 akçe Yüz yasdığı, 1 25 akçe Tâbe 100 akçe Tencere 120 akçe Kefkir 1 ma‘a kefçe 1 120 akçe Bakraç, 1 150 akçe Tas, 1 120 akçe Hırdavât 120 akçe Lengerî, 4 120 meblağ Bakır sahan, 2 150 meblağ İpek tahmînen 100 direm 300 meblağ Perde 60 meblağ Tencere 200 akçe Tas 150 akçe Sini sagīr, 1 150 akçe Tahta sandık, 1 80 akçe Bez tarafı kalem, 4 150 akçe Sepet sandık, 1 150 akçe Hırdavât 200 akçe Köhne dolama 100 akçe Nukūd der-kîse 8.225 akçe Cem‘an yekûn: 20.425 akçe. Yalnız yirmi bin dört yüz yirmi beş akçedir. Minhâ el-ihrâcât: Techîz-i kabr 1.200 akçe Resm-i âdî 520 akçe Kalemiye 120 akçe Çukadâriye 80 akçe İhzâriye 60 akçe Kaydiye 30 akçe Dellâliye 360 akçe Kayığa ve hammâliye, mesârif-i lâzıme 360 akçe Vasiyyet olunan nukūd ve eşyâdan Zeyneb Hatun’un baʻde’l-isbât 3.600 akçe Sahhe’l-bâkī: 15.985 akçe. Vech-i meşrûh üzere vasiyy-i merkūm yedinde meblağ-ı mezbûrun sülüsânı on üç bin altı yüz on yedi akçe edip vasiyy-i merkūm müteveffâ-i mezbûrun fevtinden sonra nukūd-ı mâlından iki bin dokuz yüz akçesini kable’t-tahrîr sarfla ıskāt-ı salât ve baʻzı mesâlih-i meyyite istihlâk eylediği nümâyân olmağla meblağ-ı mezbûrdan bin dört yüz yetmiş sekiz akçe dahi veresesine îsâl için vasiyy-i merkūm yedinde terk olunduğundan on bin beş yüz doksan beş akçe olduğu bu mahalle şerh verildi. 1159