Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 290 Hüküm no: 237 Orijinal metin no: [59b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un tek vârisi olan torunu Âmine’ye kalan terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de İslambey Mahallesiʼnde sâkine iken bundan akdem vefât eden Fâtıma Hatun bt. Abdullah’ın verâseti zî-rahm cihetinden kızının kızı Âmine nâm sagīreye münhasır[a] olduğu şer‘an zâhir ve müteʻayyen oldukdan sonra sagīre-i mezbûrenin babası ve tesviye-i umûruna kıbel-i şer‘den mansûb vasîsi olan el-Hâc Hasan b. Süleyman taleb ve ma‘rifetiyle tahrîr ve fürûht olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’l-hâmis ve’l-ışrîn min-Saferi’l-hayr sene 1159, tisʻa ve hamsîn ve mi’e ve elf. Minder, 1 300 akçe Def‘a minder, 1 280 akçe Def‘a minder 1 ma‘a yasdık 3 318 akçe Hırdavât 30 akçe Köhne yorgan 153 akçe Def‘a yorgan, 1 153 akçe Köhne kırmızı ihrâm, 1 60 akçe Köhne kürk parçası, 1 55 akçe Köhne bütün çuka biniş kürk, 1 330 akçe Keremsûd kavuşdurma, 1 240 akçe Alacak kavuşdurma 281 akçe Köhne çintiyân, 1 60 akçe Köhne kutnî çintiyân, 1 83 akçe Köhne yorgan 1, çarşeb 1 129 akçe Def‘a köhne çarşeb, 1 30 akçe Köhne don ma‘a gömlek, 1 75 akçe Def‘a don, 1 30 akçe Havlu ma‘a silecek, 1 69 akçe Yemenî köhne yasdık yüzü 5 ma‘a boğça, 1 69 akçe Hırdavât 30 akçe Köhne çuka ferâce 300 akçe Köhne peştemâl ma‘a makrame 45 akçe Köhne beyâz bogasi anteri, 1 81 akçe Köhne serpûş, 3 30 akçe Köhne hamam peştemâlı 300 akçe Köhne bogasi anteri, 1 120 akçe Köhne boğça 6 akçe Hırdavât 15 akçe Sagīre tencere bâ-kapak 150 akçe Tuç sahan ma‘a leğen ve sagīr lenger, kahve ibriği 150 akçe Sepet sandık, 1 60 akçe Hamam tası, 1 30 akçe İnci kuşak 1.800 akçe Cem‘an yekûn: 5.863 akçe. Minhâ el-ihrâcât: Techîz ve tekfîn 1.340 akçe Resm-i âdî 196 akçe Kalemiye-i kâtib 60 akçe Çukadâriye ve hüddâmiye 60 akçe Kaydiye 30 akçe Harc-ı vesâyet 120 akçe Düyûn-ı müteferrika ve sâir mesârif 1.039 akçe Dellâliye ve dükkân 165 akçe Yekûn: 3.010 [akçe]. Sahhe’l-bâkī, meblağ: 2.853. Sagīre-i mezbûrenin hissesi yalnız iki bin sekiz yüz elli üç akçedir.