Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 294 Hüküm no: 241 Orijinal metin no: [60b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dergâh-ı âlî yeniçerileri mütekaidlerinden Hoşabcı Halil Beşe’nin vârislerine taksim edilen terekesi Vilâyet-i Rumeli’nde Manastır ahâlîsinden Dergâh-ı âlî -dâme mahfûfen bi’l-maʻâlî- yeniçerilerinin yetmiş yedi cemâʻat ortasının mütekāʻidlerinden olup Havâss-ı Refîʻa kazâsında Yedikule hâricinde hoşabçı tâifesinden vefât eden Halil Beşe b. Abdülazîz’in verâseti sulbî kebîr oğulları Hasan Beşe ve Mehmed Beşe ile kazâ-i mezbûrda sâkine zevce-i menkûha-i metrûkesi Hadice Hatun’a ve sulbî oğlu Hasan’a münhasıra olduğu şer‘an zâhir ve müteʻayyen oldukdan sonra mezbûre Hadice Hatun ile merkūm Hasan’ın hisse-i irsiyyelerini ahz u kabz zabt u hıfza kıbel-i şer‘den vasî ve kayyım nasb olunan merkūm Hasan Beşe taleb ve ma‘rifetiyle tahrîr ve takvîm olunan tereke-i müteveffâ-i mezbûredir ki ber-vech-i âtî zikr olunur. Fi’l-yevmi’s-sâmin ve’l-ışrîn min-Saferi’l-hayr li-sene tisʻa ve hamsîn ve mi’e ve elf. Köhne kebe, 1 30 akçe Köhne dizlik, 1 30 akçe Astâr, 1 40 akçe Zıbın-ı köhne 60 akçe Fes, 1 45 akçe Sâlifü’z-zikr Yedikule hâricinde hoşabçı dükkânında müteveffâ-i mezbûrun mevcûd hoşab tası ve kazgan ve âlât-ı hoşab ve aşcı âlâtı ber-vech-i tahmîn 14.195 akçe Yekûn: 14.400 akçe. Minhâ el-ihrâcât: Techîz ve tekfîn 1.200 akçe Mezbûr Hasan Beşe müteveffâ-i mezbûrun sulbî oğlu olduğunu hâlâ yeniçeri beytülmâlı emîni fahrü’l-akrân Mustafa Ağa tarafından vekîlleri nâzır Hüseyin Ağa muvâcehesinde baʻde’l-isbât rızâsıyla merkūm Hasan yeniçeri beytülmâlı tarafına verdiği 1.960 akçe Resm-i âdî 360 akçe Kalemiye-i kâtib 120 akçe Çukadâriye 90 akçe İhzâriye 75 akçe Harc-ı vesâyet 180 akçe Muhamminiye ve sâir mesârif 350 akçe Kaydiye-i defter 30 akçe Yekûnü’l-mesârif: 4.365 akçe. Sahhe’l-bâkī li’t-taksîm beyne’l-verese: 10.035 akçe. Hissetü’z-zevceti’l-mezbûre 1.204 akçe Hissetü’l-ibni’l-mezbûr 2.910 akçe Hissetü’l-ibni’l-mezbûr 2.910 akçe Hissetü’l-ibni’l-mezbûr 2.910 akçe