Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 306 Hüküm no: 250 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancıbaşı el-Hâc Osman Ağa’nın hanımı Fâtıma Hatun ile beytülmâla kalan terekesi Medîne-i Hazret-i Ebî Eyyüb el-Ensârî -radiye anhu rabbihi’l-bârî-’de Cezerî Kasım Paşa Mahallesi ahâlîsinden sâbıkā bostancıbaşı olup bundan akdem vedâʻ-ı âlem-i fânî eden el-Hâc Osman Ağa b. Hüseyin’in zâhirde zevce-i menkûha-i metrûkesi Fâtıma Hatun bt. Mustafa’dan gayrı vâris-i ma‘rûfu olmayıp ve müteveffâ-i mezbûrun sülüs vasiyyeti dahi olup terekesinin rub‘u zevcesine ve sülüsü vesâyâsına bâkī terekesi cânib-i beytülmâla âid ve râciʻ olmağla bilâ-vâris fevt olanların beytülmâlını bâ-hatt-ı hümâyûn-ı şevket-makrûn kabza meʼmûr olan iftihârü’l-havâs ve’l-mukarrabîn muʻtemedü’l-mülûk ve’s-selâtîn hâlâ bi’l-fi‘il bostancıbaşı sa‘âdetlü Hüseyin Ağa b. Mustafa taraf-ı bâhirü’ş-şereflerinden sâbitü’l-vekâle vekîli ve hâlâ terekecibaşılığı hizmetleriyle şeref-mend olan fahrü’l-akrân Mustafa Ağa b. İsmail ile zevce-i mezbûre Fâtıma Hatun’un karındaşı ve tarafından müseccel vekîli ve müteveffâ-i mezbûrun sülüsünü vesâyâsını tenfîze bâ-hüccet-i şer‘iyye vasiyy-i muhtârı olan el-Hâc Ahmed Ağa b. Mustafa taleb ve ma‘rifetleriyle tahrîr ve fürûht ve taksîm olunan tereke-i müteveffâ-i mûmâ-ileyhdir ki ber-vech-i âtî zikr olunur. Fi’l-yevmi’l-ışrîn min-Rebîʻi’l-evvel li-sene tisʻa ve hamsîn ve mi’e ve elf min-hicretin men lehü’l-izzü ve’s-sa‘âdetü ve’ş-şeref. Köhne yeşil keremsûd nimten samur kürk, 1 3.250 akçe Yeşil çuka kaplı cılkava kürk, 1 7.400 akçe Kırmızı nimten keremsûd kaplı karsak kürk, 1 2.400 akçe Def‘a cılkava kürk, 1 9.050 akçe Şalî kubûr yenli sincab kürk, 1 3.755 akçe Mor çuka kontuş tilki kürk 5.100 akçe Sepet sandık 150 akçe Keremsûda kaplı cübbe kākum kürk, 1 1.505 akçe Fıstıkī çuka kontuş nâfe kürk, 1 2.000 akçe Keremsûda kaplı biniş kākum kürk, 1 5.000 akçe Cübbe keremsûd kākum kürk, 1 3.000 akçe Fıstıkī çukaya kaplı samur parçası kontuş kürk, 1 13.975 akçe Def‘a fıstıkī çuka kaplı kontuş karsak kürk, 1 7.200 akçe Şalî kubûr yenli sincab kürk 2.720 akçe Fıstıkī şalîye kaplı kubûr yenli samur parçası kürk, 1 15.000 akçe Güvez çukaya kaplı samur kontuş kürk 12.300 akçe Def‘a sepet sandık, 1 160 akçe Kırmızı sâye kerrâke, 1 2.650 akçe Sakız seccâdesi, 1 1.320 akçe Kırmızı çuka parça 920 akçe Def‘a çuka, 5 zirâ‘ 1.000 akçe Köhne sof ferâce, 1 1.020 akçe Def‘a sof ferâce, 1 1.000 akçe Güvez sof kerrâke, 1 1.100 akçe Def‘a cevizî sof kerrâke, 1 2.350 akçe Def‘a güvez sof kerrâke, 1 2.405 akçe Def‘a müsta‘mel sof kerrâke, 1 1.005 akçe Def‘a müsta‘mel sof kerrâke, 1 1.180 akçe Çuka atlı şalvarı, 1 615 akçe Yeşil çuka parça 500 akçe Def‘a fıstıkī çuka 1.700 akçe Def‘a al çuka parça 700 akçe Def‘a çuka çakşırlık, 8 zirâ‘ 3.020 akçe Donluk sof 1.805 akçe Def‘a donluk sof 1.205 akçe Çakşırlık kaneviz? 1.000 akçe Çuka çakşır, 1 850 akçe Sof çakşır, 1 805 akçe Müsta‘mel sâye yağmurluk 1.105 akçe Kırmızı çuka biniş, 1 1.320 akçe Beyâz çuka biniş, 1 1.040 akçe Fıstıkī şâlî biniş, 1 1.510 akçe Def‘a kırmızı şâlî biniş, 1 1.600 akçe Sof kerrâke, 1 1.055 akçe Sof ferâce, 1 1.320 akçe Köhne şâlî anteri, 1 350 akçe Def‘a anteri 285 akçe Beyâz kaftan 1.100 akçe Kırmızı kaftan, 1 705 akçe Kutnî alaca kaftan, 1 1.000 akçe Beldârî kaftan, 1 720 akçe Def‘a al kutnî kaftan, 1 1.155 akçe Sâde, 3 1.000 akçe Bogasi anteri, 4 510 akçe Zıbın, 2 300 akçe Peşkir, 1 135 akçe Kahve peşkiri, 4 1.320 akçe Mardin peşkir, 4 1.800 akçe Atlas parça 1.700 akçe Yeşil atlas 1.420 akçe Def‘a yeşil atlas parça 510 akçe Def‘a al atlas 1.215 akçe [64a] Güvez hâre parça 1.000 akçe Yeşil hâre parça 805 akçe Keremsûd parça 155 akçe Beyâz Mısır peşkiri, 2 500 akçe Beyâz makrame, 4 245 akçe Güvez kemerbend kuşak 3.000 akçe Köhne turuncî kemerbend kuşak 1.820 akçe Def‘a turuncî arka şalı 2.550 akçe Sarı arka şalı 2.600 akçe İşleme dülbend örtüsü 2.500 akçe Köhne havlu makrame peşkir ve boğça 755 akçe Kavuk, 3 150 akçe Boğça 30 akçe Köhne destâr, 2 510 akçe Havlu makrame 825 akçe Gömlek 2 ma‘a don 2 500 akçe Def‘a gömlek 3 ma‘a don 3 805 akçe Boğça, 2 50 akçe Makrame kîsesi, 1 100 akçe Yeşil şâlî kubûr yenli sincab kürk 8.100 akçe Güvez çukaya kaplı samur erkân kürkü, 2 14.350 akçe Sof kaplı kubûr yenli kākum kürk, 1 3.850 akçe Def‘a sarı çuka kaplı erkâm samur kürk, 1 12.050 akçe Kaval dûr-bîn, 1 510 akçe Altın sâʻat, 1 4.705 akçe Def‘a altın sâʻat, 1 7.000 akçe Pandül sâʻat, 1 3.000 akçe Def‘a pandül sâʻat, 1 3.600 akçe Sim bıçak, 1 900 akçe Sim kuşak, 1 350 akçe Nâka tesbîh, 1 1.300 akçe Sim üzengi, 1 çift 16.000 akçe Def‘a sim üzengi, 1 çift 16.350 akçe Simlice Şam kesmesi, 1 1.100 akçe Kahverengi simlice çuka kesme, 1 13.200 akçe Köhne Şam kesmesi, 1 1.350 akçe Telli hatâî dîbâ kesme, 1 2.400 akçe Def‘a köhne Şam kesmesi, 1 720 akçe Simli sâye kesme, 1 6.300 akçe Def‘a simli sâye kesme, 1 6.000 akçe Sim kemer raht ma‘a sim başlık ve reşme 24.400 akçe Def‘a sim raht ma‘a sim başlık, 1 13.500 akçe Sim çapkun rahtı ma‘a sim başlık 16.000 akçe Def‘a çapkun rahtı ma‘a sim başlık 6.200 akçe Def‘a ince kemer çapkun rahtı ma‘a başlık 8.000 akçe Sim çapkun başlığı, 1 5.100 akçe Haydarî sim raht ma‘a başlık 8.400 akçe Def‘a sim raht ma‘a başlık, çift işi 15.250 akçe Sim gaddâre 1, sim topuz 5.105 akçe Beyâz kabzalı sim gaddâre ma‘a sim topuz 3.400 akçe Def‘a sim gaddâre ma‘a topuz 3.000 akçe Def‘a sim gaddâre, 1 1.810 akçe Def‘a sim at gaddâresi, 1 905 akçe Sim bel gaddâresi, 1 3.000 akçe Piştov, 1 çift 2.005 akçe Gergedan bornozu topuz 600 akçe Def‘a gergedan topuzu 600 akçe Sim bilan, 1 1.705 akçe Sim reşme, 1 1.400 akçe Def‘a sim reşme, 1 1.005 akçe Def‘a sim reşme, 1 1.710 akçe Def‘a sim reşme, 1 1.735 akçe Def‘a sim reşme, 1 2.250 akçe Tapkur kolanı 600 akçe Sepet sandık, 1 150 akçe Simli kadife eğer, 1 6.010 akçe Def‘a simli kadife eğer, 1 4.200 akçe Def‘a simli kadife eğer, 1 2.000 akçe Sırmalı kadife eğer, 1 700 akçe Def‘a sırmalı kadife eğer 670 akçe Def‘a sırmalı eğer, 1 380 akçe Mâî canfes kesme, 1 18.000 akçe Pirinç üzengi 300 akçe Def‘a üzengi pirinç 200 akçe Yaldızlı Mısır üzengi, 1 çift 1.000 akçe Sim gülabdân 1 ma‘a buhûrdân 1 2.000 akçe Def‘a sim gülabdân ma‘a buhûrdân 3.700 akçe Def‘a sim gülabdân ma‘a buhûrdân 6.000 akçe Pirinç gülabdân ma‘a buhûrdân 255 akçe Yaldızlı bakır leğen ma‘a ibrik 1.000 akçe Kebîr fener, 1 610 akçe Def‘a fener, 1 275 akçe Kabaralı mum sofrası 315 akçe Def‘a mum sofrası, 1 85 akçe Matara 1, ibrik 200 akçe Sadefkârî peştahta, 1 2.050 akçe Billûr kâse ma‘a fincan zarfı, 3 315 akçe Billûr sagīr tabak 100 akçe Vasat tabak 305 akçe Fağfûr fincan, 4 525 akçe Def‘a fağfûr fincan, 15 665 akçe Mâî fağfûr fincan, 4 180 akçe Halı seccâde, 1 530 akçe Def‘a ipekli halı seccâde, 1 1.020 akçe Def‘a kaliçe seccâde, 1 3.000 akçe Mihrâblı seccâde, 1 300 akçe Tüfenk, 1 1.035 akçe Def‘a çifte filinta tüfenk, 1 1.320 akçe Def‘a Arnavud tüfenk, 1 955 akçe Def‘a tüfenk, 1 465 akçe Demir iskemle, 1 45 akçe Köhne ocak yaşmağı, 1 105 akçe Aba. abdest sofrası, 1 90 akçe Yemenî sofra, 1 135 akçe Kırmızı minder velençesi, 1 600 akçe Kaliçe seccâde, 1 430 akçe Sarı Cezayir ihrâm, 1 800 akçe Mor Cezayir ihrâm, 1 1.020 akçe Kırmızı Cezayir ihrâm, 1 1.210 akçe Köhne çuka yedek örtüsü, 2 620 akçe Mor çuka hâşe ma‘a makrame kîsesi, 1 150 akçe [64b] İskemle, 2 45 akçe Billûr kâse, 2 135 akçe Def‘a billûr kâse 130 akçe Billûr bardak, 3 120 akçe Billûr buhûrdân, 1 30 akçe Tiftik kîse, 1 300 akçe Def‘a kîse, 1 300 akçe Sim zarf ma‘a fağfûr fincan 7 ve kahve tepsisi 2.520 akçe Bir mikdâr revgan-ı sandal 1.210 akçe Def‘a sagīr şişe içinde bir mikdâr revgan-ı sandal 65 akçe Çatma yasdık 9 ma‘a yemenî makʻad 3 ma‘a minder 4 5.000 akçe Yaldızlı su tası, 1 300 akçe Def‘a çatma yasdık 12 ve köşe yasdığı 3 ve bâlin yasdık 2 ve Zilî keçe 1 ve çuka makʻad 4 ve minder 4 13.200 akçe Def‘a çatma yasdık 12 ve baş yasdığı 1 ve minder 3 16.000 akçe Minder şiltesi 3 ma‘a beledî döşek 2 1.440 akçe Yemenî yorgan 5 ma‘a dîbâ yorgan 1 ma‘a kumaş yorgan 1 2.760 akçe Yemenî makʻad 4, kapı perdesi 1 1.500 akçe Zîgî kilim, 2 600 akçe Harâr, 8 1.440 akçe Al çuka simli kesme, 1 12.000 akçe Sim üzengi, 1 çift 13.000 akçe Sim raht 1 ma‘a sim başlık ma‘a reşme 12.000 akçe Sim bilan, 1 4.800 akçe Demir Mısır üzengi, 1 çift 1.200 akçe Sim kılıç, 1 2.400 akçe Servi sandık, 1 300 akçe Bendî cedîd destâr, 7 8.400 akçe Def‘a cedîd destâr, 2 2.400 akçe Def‘a müteʻârif cedîd destâr, 11 7.260 akçe Şam alacası, 1 top 2.880 akçe Haleb kutnî, 1 top 720 akçe Def‘a yeşil alaca kutnî, 3 top 3.000 akçe Şam alacası, 1 top 1.200 akçe Beyâz keremsûd, 1 top 1.000 akçe Çetârî alaca, 1 top 1.000 akçe Def‘a beyâz keremsûd, 1 top 1.000 akçe Hind kutnîsi, 1 top 1.320 akçe Kapıkolu, 1 top 1.320 akçe Asma çalar sâʻat, 1 1.000 akçe Kadife yasdık 8 ve minder 2, velençe 2, Selanik keçesi 1, kapı perdesi 1 7.200 akçe Rugan bakırı, 1 60 akçe Beledî yasdık 4 ve kadife yasdık 2 ma‘a minder 2 ve velençe 2 ve orta keçesi 1 ve kapı perdesi 1 2.000 akçe Def‘a yasdık ve minder ve baş yasdığı 1.000 akçe Şamʻdân, 1 60 akçe Def‘a şamʻdân, 1 30 akçe Kebab şişi, 2 120 akçe Alaca şalı, top 1.200 akçe Evânî-i nuhâs, 65 kıyye fî: 110 7.370 akçe Def‘a evânî-i nuhâs, 560 kıyye fî: 110 61.600 akçe Def‘a evânî-i nuhâs 27 kıyye fî: 110 3.025 akçe Def‘a evânî-i nuhâs, 7 kıyye fî: 110 770 akçe Def‘a evânî-i nuhâs, 14 kıyye fî: 110 1.540 akçe Def‘a evânî-i nuhâs 440 akçe Def‘a evânî-i nuhâs, 2 kıyye 180 akçe Doru at, 1 6.000 akçe Rub‘ menzil der-mahalle-i mezbûr 150.000 akçe Çengel karyesinde vâki‘ Çakal toprağı kurbünde kürûmî bağ ber-vech-i tahmîn 8.400 akçe Hırdavât-ı menzil 4.800 akçe Abdullah Usta Ağa zimmetinde zuhûr eden makbûz 48.000 akçe Kalaycı Abdullah zimmetinde zuhûr eden makbûz 18.000 akçe Nakd-i mevcûd der-kîse 659.760 akçe Yekûn: 1.588.865. Yalnız on beş yük seksen sekiz bin sekiz yüz altmış beş akçedir. Minhâ el-ihrâcât: Techîz ve tekfîn 15.000 akçe Deyn-i müsbet-i Abdullah Usta Ağa 5.400 akçe Deyn-i müsbet-i Kalaycı el-Hâc Abdullah 7.200 akçe Deyn-i müsbet-i Yağcı el-Hâc Hasan 4.500 akçe Deyn-i müsbet-i mehr-i müeccel li’z-zevceti’l-mezbûre 30.000 akçe Deyn-i müsbet-i Koşonî el-Hâc Ali 1.980 akçe Deyn-i müsbet-i Kalef Yahûdi 17.040 akçe Resm-i bostancıbaşı ağa hazretleri ve terekecibaşı ve yazıcıya ber-mu‘tâd-ı kadîm 111.185 akçe Resm-i âdî 39.725 akçe Kalemiye ve çukadâriye ve hüddâmiye ve sâir mesârif-i lâzıme 10.840 akçe Dellâliye-i eşyâ ve sarrafiye 13.820 akçe [65a] Cem‘an yekûn: 256.690. Yalnız iki yük elli altı bin altı yüz doksan akçedir. Sahhe’l-bâkī, meblağ: 1.332.175. Yalnız on üç yük otuz iki bin yüz yetmiş beş akçedir. Minhe’s-sülüs, meblağ: 444.058. Der-yed-i vasiyyü’l-mezbûr yalnız dört yük kırk dört bin elli sekiz akçedir. Sahhe’l-bâkī li’t-taksîm: 888.117. Yalnız sekiz yük seksen sekiz bin yüz on yedi akçedir. Hissetü’z-zevceti’l-mezbûre 222.029 akçe Hissetü beytülmâl 666.088 akçe