Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 314 Hüküm no: 253 Orijinal metin no: [65b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seltane bt. Bağdik adlı Ermeninin vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Baba Haydarî Nakşibendî Mahallesi’nde mütemekkine iken bundan akdem hâlike olan Seltane bt. Bağdik nâm Ermeniyenin verâseti zevc-i metrûku Devlet v. İsrail ile babası Bağdik v. Tatos’a ve anası Maryem bt. Eznora ve sadrî sagīr oğulları Piro ve Melkon’a ve sadriye sagīre kızları Aksani ve Oskoher [ve] Toto’ya münhasıra olduğu şer‘an zâhir ve müteʻayyen oldukdan sonra sagīrûn-ı mezbûrûnun babaları ve tesviye-i emirlerine kıbel-i şer‘den bâ-hüccet-i şer‘iyye mansûb vasîleri olan mezbûr Devlet ile mesfûrân Bağdik ve Maryem taleb ve ma‘rifetleriyle tahrîr ve takvîm ve taksîm olunan tereke-i hâlike-i mezbûredir ki ber-vech-i âtî zikr olunur. Fi’l-yevmi’s-sâbiʻ ve’l-ışrîn [66a] min-Rebîʻi’l-evvel li-sene tisʻa ve hamsîn ve mi’e ve elf. Döşek, 2 660 akçe Yorgan 2, çarşeb 2 400 akçe Köhne sagīr kaliçe, 1 200 akçe Beledî yasdık, 1 900 akçe Altın bilezik, 12 miskāl, çift 4.440 akçe Altın gerdanlık, 4 miskāl 2.640 akçe Altın küpe, 1 çift 900 akçe Zümrüd küpe, 1 çift 1.200 akçe Sagīr sim kuşak ma‘a kolan, 1 360 akçe Köhne şeritli cübbe 1.000 akçe Baş yemenîsi, 1 180 akçe Köhne işleme baş yemenîsi, 1 500 akçe Köhne hatâî beyâz şalvar, 1 150 akçe Köhne beyâz keremsûd kaftan ma‘a anteri 360 akçe Müsta‘mel mor hatâî anteri, 1 360 akçe Çuka sincab nimten kürk, 1 500 akçe Hatâî kavuşdurma, 1 600 akçe Köhne hâre ferâce, 1 300 akçe Köhne alaca anteri, 1 150 akçe Köhne döşek çarşeb, 1 60 akçe Serpûş, 1 30 akçe Beyâz bogasi anteri, 1 90 akçe Mâî makrame, 1 30 akçe Hamam gömleği ma‘a silecek ma‘a boğça 200 akçe Ayaklı sandık, 1 150 akçe Köhne gömlek, 1 90 akçe Leğen ma‘a ibrik, 1 200 akçe Hamam tası ma‘a gül kutusu 60 akçe Cem‘an yekûn: 16.860. Minhâ el-ihrâcât: Resm-i âdî 410 akçe Kalemiye-i kâtib 100 akçe Çukadâriye ve hüddâmiye 75 akçe Harc-ı hüccet-i vesâyet ve nafaka 360 akçe Muhamminiye-i eşyâ 150 akçe Kaydiye-i defter ve hüccet 48 akçe Düyûn-ı müteferrika ve sâir mesârif-i lâzıme 762 akçe Yekûnü’l-mesârif: 1.905. Sahhe’l-bâkī li’t-taksîm beyne’l-verese: 14.955 akçe. Hissetü’z-zevci’l-mezbûr 3.738 akçe Hissetü’l-ebi’l-mezbûr 2.492 akçe Hissetü’l-ümmi’l-mezbûr 2.492 akçe Hissetü’l-ibni’l-mezbûr 1.780 akçe Hissetü’l-ibni’l-mezbûr 1.780 akçe Hissetü’l-binti’l-mezbûr 890 akçe Hissetü’l-binti’l-mezbûr 890 akçe Hissetü’l-binti’l-mezbûr 890 akçe Kesr-i bâkī 3