Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 316 Hüküm no: 254 Orijinal metin no: [66a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Serkis v. Agriya adlı Ermeninin vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Baba Haydarî Nakşibendî Mahallesi’nde mütemekkin iken bundan akdem hâlik olan Serkis v. Agriya nâm Ermeninin verâseti zevce-i metrûkesi Ferafyon? bt. Kestor ile sulbî sagīr oğlu Manasgar’a? ve anası Seltane bt. Abraham nâm Ermeniyeye münhasıra olduğu şer‘an zâhir ve müteʻayyen oldukdan sonra sagīr-i mezbûrun anası ve tesviye-i umûruna kıbel-i şer‘den bâ-hüccet-i şer‘iyye mansûb vasiyyesi olan mesfûre Ferafyon? ile mesfûre Seltane taleb ve ma‘rifetleriyle tahrîr ve takvîm olunan tereke-i hâlik-i mezbûrdur ki ber-vech-i âtî zikr olunur. Fi’l-yevmi’s-sâlis ve’l-ışrîn min-Rebîʻi’l-evvel sene 1159, tisʻa ve hamsîn ve mi’e ve elf. Köhne alaca, 1 150 akçe Köhne celâlî 90 akçe Köhne çuka dolama, 1 300 akçe Köhne mâî çuka biniş, 1 800 akçe Köhne alaca zıbın, 1 100 akçe Köhne çuka cübbe, 1 60 akçe Köhne beyâz fitilli tiftik şalı, 1 120 akçe Köhne tiftik şalı, 1 50 akçe Cedîd çuka biniş, 1 600 akçe Bogasi celâlî 360 akçe Kebîr ve sagīr lengerî, 9 900 akçe Tuç sahan 6 ma‘a bakır sahan 8 720 akçe Sagīr lengerî, 1 30 akçe Su tası, 1 30 akçe Kurâde tâbe, 2 200 akçe Tencere 3 bâ-tabak 1 480 akçe Saplı tas, 1 60 akçe Kahve tepsisi, 1 30 akçe Kazgan, 1 600 akçe Minder, 2 600 akçe Beledî yasdık, 4 240 akçe Mısır hasırı, 1 200 akçe Sagīr minder, 3 45 akçe Def‘a köhne sagīr minder ve hırdavât 180 akçe Def‘a yasdık, 3 480 akçe Tahta sandık, 2 120 akçe Çamâşûr teknesi 1 ma‘a fıçı 360 akçe Köhne yemenî yorgan, 4 400 akçe Kalpak 60 akçe Hırdavât-ı menzil 300 akçe Nakd 660 akçe Cem‘an yekûn: 8.915 akçe. Minhâ el-ihrâcât: Hâlik-i mezbûrun lâşesini ilkā-i hafr için masrûf 1.038 akçe Resm-i âdî 222 akçe Kalemiye-i kâtib 75 akçe Çukadâriye ve hüddâmiye 60 akçe Harc-ı hüccet-i vesâyet 300 akçe Kaydiye-i defter 45 akçe Muhamminiye-i eşyâ 90 akçe Yekûnü’l-mesârif: 1.830 akçe. [66b] Sahhe’l-bâkī li’t-taksîm beyne’l-verese: 7.085 akçe. Hissetü’z-zevceti’l-mezbûr 885 akçe Hissetü’l-ibni’l-mezbûr 5.020 akçe Hissetü’l-ümmi’l-mezbûr 1.180 akçe