Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 318 Hüküm no: 256 Orijinal metin no: [66b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Serkiz v. Ağriya’nın küçük oğluna annesinin vasi ve onun üzerine de amcası Manuk’un nazır tayin edilmesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Baba Haydarî Nakşibendî Mahallesi’nde mütemekkin iken bundan akdem hâlik olan Serkiz v. Agriya nâm Ermeninin sulbî sagīr oğlu Manasgar’ın tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûfe ve her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīr-i mezbûrun anası işbu râfiʻatü’s-sifr Ferafyon? bt. Kestor’u hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīr-i mezbûrun tesviye-i umûruna vasî nasb u ta‘yîn ve üzerine işbu hâzır bi’l-meclis sagīr-i mezbûrun ammisi Manuk v. Artin nâm Ermeniyi nâzır nasb u ta‘yîn buyurduklarında ânlar dahi herbiri ber-vech-i muharrer vesâyet ve nezâret-i mezbûreyi kabûl ve hizmet-i lâzımelerin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâlis ve’l-ışrîn min-Rebîʻi’l-evvel sene tisʻa ve hamsîn ve mi’e ve elf, 1159. Şuhûdü’l-hâl: Eş-Şâhidûnü’s-sâbıkūn.