Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 323 Hüküm no: 263 Orijinal metin no: [68a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un vârislerine taksim edilen terekesi Medîne-i Hazret-i Ebî Eyyüb el-Ensârî -aleyhi rahmetü rabbihi’l-bârî-’de Takyecibaşı Mahallesiʼnde sâkine iken bundan akdem vefât eden Fâtıma Hatun bt. Derviş Ahmed’in verâseti zevc-i metrûku Osman Çelebi b. Mehmed ile sadriye sagīre kızı Hanife’ye ve babası mezbûr Derviş Ahmed b. Mehmed’e münhasıra olduğu şer‘an zâhir ve müteʻayyen oldukdan sonra sagīre-i mezbûrenin babası ve tesviye-i umûruna kıbel-i şer‘den bâ-hüccet-i şer‘iyye mansûb vasîsi olan mezbûr Osman Çelebi ile merkūm Derviş Ahmed taleb ve ma‘rifetleriyle tahrîr ve takvîm ve taksîm olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’s-sâlis min-Rebîʻülâhir li-sene tisʻa ve hamsîn ve mi’e ve elf, 1159. Çatma yasdık, 8 1.920 akçe Beledî döşek, 1 360 akçe Minder, 6 2.000 akçe Orta keçesi 1 ma‘a yan 3 1.500 akçe Müsta‘mel seccâde 1 ma‘a kapı perdesi 1 600 akçe Sagīr baş yasdığı, 2 120 akçe Köhne yemenî yorgan 4 ma‘a sandal 1 1.600 akçe Def‘a köhne kapı perdesi, 1 90 akçe Def‘a köhne kadife yasdık, 7 1.200 akçe Sahan, 13 1.200 akçe Kapak, 3 90 akçe Lengerî, 5 500 akçe Kahve lengerî, 3 90 akçe Hamam tası 1 ma‘a kahve tepsisi 1 120 akçe Hoşab tası 1 ma‘a su tası 1 120 akçe Sagīr sini, 1 240 akçe Def‘a sini, 1 360 akçe Leğen ma‘a ibrik 500 akçe Kahve ibriği, 1 15 akçe Şamʻdân, 2 30 akçe Güğüm, 1 300 akçe Tâbe, 1 150 akçe Kebîr tencere bâ-kapak, 3 1.000 akçe Kebîr şamʻdân, 1 60 akçe Mâî bilek ma‘a köhne makʻad 120 akçe Tekne ve naʻlin ve hırdavât-ı menzil 300 akçe [68b] Cem‘an yekûn: 14.585. Yalnız on dört bin beş yüz seksen beş akçedir. Minhâ el-ihrâcât: Resm-i âdî 363 akçe Kalemiye-i kâtib 90 akçe Çukadâriye 60 akçe İhzâriye 45 akçe Harc-ı hüccet-i vesâyet 180 akçe Muhamminiye-i eşyâ 120 akçe Düyûn-ı müteferrika ve sâir mesârif-i lâzıme 306 akçe Kaydiye 24 akçe Cem‘an yekûnü’l-mesârif: 1.068 akçe. Sahhe’l-bâkī li’t-taksîm beyne’l-verese: 13.517 akçe. Hissetü’z-zevci’l-mezbûr Osman 3.379 akçe Hissetü’l-binti’l-mezbûr 6.758 akçe Hissetü’l-ibni’l-mezbûr Derviş Ahmed 3.380 akçe Sagīre-i mezbûrenin babası ve velîsi zevci mezbûr Osman Çelebi ve kezâlik sagīre-i mezbûrenin min-kıbeli’l-üm ceddi merkūm Derviş Ahmed ber-mûceb-i defter-i kassâm hisse-i irsiyyeleri olan meblağ-ı mezbûru herbiri sagīre-i mezbûreye hibe ve temlîk, mezbûr Osman dahi meclis-i hibede sagīre-i mezbûre için bi’l-velâye ve bi’l-vesâye ittihâb ve kabûl eylediği işbu mahalle şerh verildi.